Thiruvambady
തിരുവമ്പാടി ബസ് സ്റ്റാന്റ് ഡ്രൈനേജ് നിർമ്മാണം; കൂടരഞ്ഞി റോഡിൽ നിന്നുമുള്ള പ്രവേശനം നിരോധിച്ചു
തിരുവമ്പാടി: തിരുവമ്പാടി ബസ്സ്റ്റാന്റിലേക്ക് കൂടരഞ്ഞി റോഡിൽ നിന്നുമുള്ള പ്രവേശനം ഇനി ഒരറിയിപ്പ് ഉണ്ടാകുന്നത് വരെ നിരോധിച്ചതായി ഗ്രാമ പഞ്ചായത്ത് സെക്രട്ടറി ബിബിൻ ജോസഫ് അറിയിച്ചു.
ബസ്റ്റാന്റ് കവാടത്തിലെ ഡ്രൈനേജ് പുനർ നിർമ്മാണം നടത്തുന്നതിനായാണ് പ്രവേശനം നിരോധിച്ചത്. കൂടരഞ്ഞി റോഡിൽ നിന്നുമുള്ള പ്രവേശന ഭാഗത്തെ ഡ്രൈനേജിന്റെ പ്രവ്യത്തി പൂർത്തീകരിച്ചു കഴിഞ്ഞാൽ ഈ ഭാഗം തുറന്ന് കൊടുത്ത് ചർച്ച് റോഡിൽ നിന്നുമുള്ള ബസ്സ്റ്റാന്റാന്റിന്റെ പ്രവേശന ഭാഗത്ത് പുതിയ ഡ്രൈനേജ് നിർമ്മിക്കുന്ന പ്രവൃത്തി ആരംഭിക്കും.
തിരുവമ്പാടി ടൗണിലെ വെള്ളക്കെട്ട് ഒഴിവാക്കുന്നതിനായാണ് ഈ പ്രവൃത്തികൾ നടത്തുന്നതെന്നും ജനങ്ങൾ സഹകരിക്കണമെന്നും ഗ്രാമ പഞ്ചായത്ത് പ്രസിഡന്റ് മേഴ്സി പുളിക്കാട്ട് അറിയിച്ചു
