ചെന്നൈ: നടന് വിജയിനെ ആദായനികുതി വകുപ്പ് ചോദ്യം ചെയ്യാന് തുടങ്ങിയിട്ട് 24 മണിക്കൂര് ആയെന്നാണ് റിപ്പോര്ട്ട്. ഇതിന്റെ ഭാഗമായി വിജയിന്റെ ഭാര്യ സംഗീതയെയും ആദായനികുതി വകുപ്പ് ഉദ്യോഗസ്ഥര് ചോദ്യം ചെയ്യുകയാണ്.
വിജയിന്റെയും ഭാര്യയുടെയും പേരിലുള്ള സ്വത്തുക്കളും ഭൂമിയിടപാടുകളും സംബന്ധിച്ചുള്ള രേഖകളാണ് ആദായനികുതി വകുപ്പ് ഉദ്യോഗസ്ഥര് ഇപ്പോള് പരിശോധിക്കുന്നതെന്നാണ് സൂചന.
എട്ട് ആദായനികുതി വകുപ്പ് ഉദ്യോഗസ്ഥരാണ് പരിശോധനയ്ക്കും ചോദ്യം ചെയ്യലിനുമായി വിജയിയുടെ ഈസ്റ്റ് കോസ്റ്റ് റോഡിലെ വസതിയിലുള്ളത്. ചെന്നൈ നീലാങ്കരൈയില് ഭൂമി വാങ്ങിയതും പൂനമല്ലിയില് കല്യാണമണ്ഡപം പണിഞ്ഞതും സംബന്ധിച്ചുള്ള കണക്കുകളും രേഖകളുമാണ് ഐടി വകുപ്പ് ഇപ്പോള് പരിശോധിക്കുന്നത്.
അതേസമയം, ‘ബിഗില്’ സിനിമയുടെ നിര്മാതാവും എജിഎസ് സിനിമാസിന്റെ ഉടമയുമായ അന്പുച്ചെഴിയന്റെ വസതിയില് നിന്ന് 65 കോടി രൂപ കണ്ടെത്തിയെന്നാണ് ആദായനികുതി വകുപ്പ് അറിയിക്കുന്നത്. ചെന്നൈയിലെ വസതിയില് നിന്ന് 50 കോടി രൂപയും മധുരയിലെ വസതിയില് നിന്ന് 15 കോടി രൂപയും കണ്ടെടുത്തു എന്നാണ് വിവരം. റെയ്ഡ് ഇപ്പോഴും പുരോഗമിക്കുകയാണ്.
