കോടഞ്ചേരി: കോടഞ്ചേരി ഗവൺമെന്റ് കോളേജിൽ ലൈബ്രറി കെട്ടിടത്തിന്റെയും ഓപ്പൺ ജിമ്മിന്റെയും നിർമാണ പണി കരാറുകാരൻ ഉപേക്ഷിച്ച് നീണ്ട കാലം ആയിട്ടും നടപടിയില്ലാത്തത് വിദ്യാർത്ഥികൾക്കിടയിൽ പ്രതിഷേധമുയർത്തി. സർക്കാർ സ്ഥാപനത്തെ തിരുവമ്പാടി എംഎൽഎ നിരന്തരം അവഗണിക്കുന്നതിൽ പ്രതിഷേധിച്ച് കെഎസ്യു യൂണിറ്റ് പഠന ക്യാമ്പിന്റെ നേതൃത്വത്തിൽ ശക്തമായ സമരത്തിന് തുടക്കമിടുമെന്ന് കെഎസ്യു നേതൃസംഗമം വ്യക്തമാക്കി.
കോളേജിലെ ഗ്രൗണ്ട്, കളിസ്ഥലം, കുടിവെള്ളം, ലേഡീസ് ഹോസ്റ്റലിലെ ടോയ്ലറ്റുകൾ തുടങ്ങി പ്രധാന അടിസ്ഥാന സൗകര്യങ്ങൾ ഇല്ലാത്തതും , ഇവ സംരക്ഷിക്കപ്പെടാതിരിക്കുന്നതും വിദ്യാർത്ഥികൾക്ക് വളരെയേറെ കഷ്ടം സൃഷ്ടിക്കുന്നതായി കെഎസ്യു ആരോപിച്ചു. പഞ്ചായത്ത് പ്രസിഡണ്ട് അലക്സ് തോമസ് ചെമ്പകശ്ശേരി പ്രതിഷേധം ഉദ്ഘാടനം ചെയ്തു.
കെഎസ്യു യൂണിറ്റ് പ്രസിഡണ്ട് ഡെൽബിൻ സായന്ദിന്റെ അധ്യക്ഷതയിൽ നടന്ന പരിപാടിയിൽ, കെഎസ്യു സംസ്ഥാന സമിതി അംഗം അർജുൻ പുനത്ത് മുഖ്യപ്രഭാഷണം നടത്തി. കോൺഗ്രസ് നേതാക്കളായ വിൻസന്റ് വടക്കേമുറിയിൽ, കെ എം പൗലോസ്, ജോസ് പൈക, ഫ്രാൻസിസ് മുണ്ടാട്ടിൽ, ടോമി ഇല്ലിമൂട്ടിൽ, അനേകം മറ്റ് നേതാക്കളും പരിപാടിയിൽ പ്രസംഗിച്ചു.
