കോടഞ്ചേരി : വേളംകോട് സെന്റ് ജോർജ്സ് ഹയർ സെക്കൻഡറി സ്കൂളിൽ ഒന്നാം വർഷ ഹയർ സെക്കൻഡറി വിദ്യാർത്ഥികൾക്കായി ഹീമോഗ്ലോബിൻ (എച്ച്.ബി.) പരിശോധനയും ആർ.ബി.എസ്.കെ. (RBSK) ആരോഗ്യപരിശോധനയും സംഘടിപ്പിച്ചു. കോടഞ്ചേരി ഫാമിലി ഹെൽത്ത് സെന്ററിലെ ആർ.ബി.എസ്.കെ. നഴ്സുമാരായ ഷിജി വർഗീസ്, ക്രിസ്റ്റി ആന്റണി, ദിൽഷ കെ. എന്നിവർ പരിശോധനകൾക്ക് നേതൃത്വം നൽകി.
പരിപാടിയുടെ ഭാഗമായി വിദ്യാർത്ഥികളുടെ ഹീമോഗ്ലോബിൻ നില, പ്രായാനുസൃതമായ വളർച്ച, ശരീരഭാരം എന്നിവ വിലയിരുത്തി. ആർ.ബി.എസ്.കെ. മാനദണ്ഡങ്ങൾ അനുസരിച്ച് ആരോഗ്യപരിശോധന നടത്തുകയും ആവശ്യമായ തുടർനടപടികൾക്കായി വിവരങ്ങൾ ശേഖരിക്കുകയും ചെയ്തു. മാനേജ്മെന്റ് പ്രതിനിധിയും അധ്യാപികയുമായ സി. സുധർമ്മ എസ്.ഐ.സി., സ്കൂൾ പ്രിൻസിപ്പൽ, അധ്യാപകർ, അനധ്യാപകർ, വിദ്യാർത്ഥി ലീഡർമാർ എന്നിവർ ആരോഗ്യസംഘത്തെ സ്വീകരിക്കുകയും പരിപാടിയുടെ സുഗമമായ നടത്തിപ്പിന് നേതൃത്വം നൽകുകയും ചെയ്തു.
വിദ്യാർത്ഥികളുടെ ആരോഗ്യനില നിരീക്ഷിക്കുന്നതിനും പോഷകാഹാരത്തിന്റെ പ്രാധാന്യത്തെക്കുറിച്ച് അവബോധം വളർത്തുന്നതിനും ആരോഗ്യപ്രശ്നങ്ങൾ നേരത്തേ തിരിച്ചറിയുന്നതിനും പരിശോധനകൾ സഹായകമായി. വിദ്യാർത്ഥികളുടെ ശാരീരികക്ഷമതയും ആരോഗ്യവും ഉറപ്പാക്കുന്നതിനുള്ള സ്കൂളിന്റെ പ്രവർത്തനങ്ങളുടെ ഭാഗമായാണ് പരിപാടി സംഘടിപ്പിച്ചത്.
