കൊടിയത്തൂർ : ലഹരിക്കെതിരായ ബോധവത്കരണം സാർവത്രികമാക്കണമെന്നും ഇതിനായി പ്രദേശിക തലങ്ങളിൽ യുവാക്കളുടെ നേതൃത്വത്തിൽ തന്നെ ലഹരി വിരുദ്ധ കൂട്ടായ്മകൾ ശക്തിയാർജിക്കണമെന്നും വിസ്ഡം യൂത്ത് അഭിപ്രായപ്പെട്ടു.
വിസ്ഡം യൂത്ത് കൊടിയത്തൂർ മണ്ഡലം സമിതി സംഘടിപ്പിച്ച “യുവപഥം” യുവജന സംഗമം വിസ്ഡം ഇസ്ലാമിക് ഓർഗനൈസേഷൻ മണ്ഡലം പ്രസിഡണ്ട് ജമാൽ ചെറുവാടി ഉദ്ഘാടനം ചെയ്തു. വിസ്ഡം യൂത്ത് മണ്ഡലം പ്രസിഡണ്ട് അസീൽ. സി.വി അധ്യക്ഷത വഹിച്ചു. പ്രമുഖ പണ്ഡിതൻ സലീം സുല്ലമി മുഖ്യപ്രഭാഷണം നിർവഹിച്ചു.
മണ്ഡലം ഭാരവാഹികളായ ഫത്തിൻ മുഹമ്മദ് സിപി, ഡോ. മുബീൻ, ഹബീബ് റഹ്മാൻ, മുഫ്തി താഹിർ, സർജാസ് റഹ്മാൻ, ഷിയാസ് കെ.പി, അജുവദ് അബ്ദു. ബി എന്നിവർ നേതൃത്വം നൽകി.
