India
നിർമ്മാണം പൂർത്തിയാകാത്ത കോച്ചിങ് സെന്റർ തകർന്ന് വീണു: 4 വിദ്യാർത്ഥികളും അധ്യാപികയും കൊല്ലപ്പെട്ടു
ന്യൂഡൽഹി: ഡൽഹിയിൽ നിർമ്മാണത്തിലിരുന്ന കെട്ടിടം തകർന്നു വീണുണ്ടായ അപകടത്തിൽ 5 മരണം. ഭജൻപുരയിൽ നിർമ്മാണത്തിലിരുന്ന കെട്ടിടം തകർന്നു വീണ് നാല് വിദ്യാർത്ഥികളും ഒരു അധ്യാപികയുമടക്കം 4 പേരാണ് മരിച്ചത്. 13 പേർക്ക് പരിക്കേറ്റിട്ടുണ്ട്. കെട്ടിടത്തിന്റെ മേൽക്കൂര തകർന്ന് വീഴുകയായിരുന്നു.
കോച്ചിങ് സെന്റർ പ്രവർത്തിച്ചിരുന്ന കെട്ടിടമാണ് തകർന്നുവീണത്. തകർന്ന കെട്ടിടത്തിനുള്ളിൽപ്പെട്ട 13 വിദ്യാർത്ഥികളെ നേരത്തെ രക്ഷപ്പെടുത്തിയിരുന്നു.
ഏഴു ഫയർ യൂണിറ്റുകളാണ് രക്ഷാപ്രവർത്തനം നടത്തുന്നത്. രക്ഷാപ്രവർത്തനം ഇപ്പോഴും തുടരുകയാണ്.
