Kozhikode
എൽഐസിയിലെ ഓഫീസർമാരും ജീവനക്കാരും ഇന്ന് ദേശവ്യാപകമായി പണിമുടക്കും.
കോഴിക്കോട്: എൽഐസി യുടെ ഓഹരി വിൽപ്പനാ നീക്കം ഉപേക്ഷിക്കുക, ഇൻഷ്വറൻസ് മേഖലയിലെ വിദേശ നിക്ഷേപ പരിധി വർധിപ്പിക്കാനുള്ള തീരുമാനം പിൻവലിക്കുക, പൊതുമേഖലാ ജനറൽ ഇൻഷ്വറൻസ് സ്ഥാപനങ്ങളെ സ്വകാര്യവത്്കരിക്കാനുള്ള കേന്ദ്ര തീരുമാനം ഉപേക്ഷിക്കുക എന്നീ ആവശ്യങ്ങൾ ഉന്നയിച്ച് എൽഐസിയിലെ ഓഫീസർമാരും ജീവനക്കാരും ഇന്ന് ദേശവ്യാപകമായി പണിമുടക്കും.
ഇന്ന് സംസ്ഥാനത്തുടനീളം സമര റാലി നടക്കുമെന്ന് ആൾ ഇൻഡ്യ ഇൻഷ്വറൻസ് എംപ്ലോയീസ് അസോസിയേഷൻ വൈസ് പ്രസിഡന്റ് പി.പി. കൃഷ്ണൻ അറിയിച്ചു.രാവിലെ 10 മുതൽ കോഴിക്കോട് മാനാഞ്ചിറ എൽഐസി ഡിവിഷണൽ ഓഫീസിനു മുൻവശം സമരറാലിയും സംഘടിപ്പിക്കും.
