താമരശ്ശേരി: ദുഃഖ വെള്ളി ദിനത്തിൽ താമരശേരി ചുരത്തിൽ നടത്തിവരാറുള്ള കുരിശിന്റെ വഴി നാളെ രാവിലെ 10.30ന് ആരംഭിക്കും. അടിവാരത്തു നിന്ന് ആരംഭിച്ച് ലക്കിടി വരെയാണ് യാത്ര. യാത്രയുടെ മുപ്പതാം വർഷമാണിത്..
രാവിലെ 10ന് ഫാ. വിനീത് വല്യാത്ത് ദുഃഖവെള്ളി സന്ദേശം നൽകും. തുടർന്ന് വേഷമണിഞ്ഞ യേശുവും മറിയവും വെറോനിക്കയും ഭക്ത സ്ത്രീകളും പടയാളികളും പരിഹാരയാത്രയ്ക്ക് മുൻപേ നീങ്ങും. ജോസ് അഗസ്റ്റിൻ കീപ്പുറത്തിന്റെ നേതൃത്വത്തിൽ വോളണ്ടിയർമാരും സിസ്റ്റർ ജീനയുടെ നേതൃത്വത്തിൽ ഗായക സംഘവും പങ്കെടുക്കും.
വിശ്വാസികൾക്ക് നേർച്ച ഭക്ഷണവും ജലപാനീയങ്ങളും ഉണ്ടായിരിക്കും.
കോവിഡ് മുൻകരുതലിന്റെ ഭാഗമായി വിശ്വാസികൾ മാസ്ക് ധരിച്ച് അകലം പാലിക്കേണ്ടതാണെന്നും 20 പേർ അടങ്ങുന്ന കൊച്ചു കൊച്ചു ഗ്രൂപ്പുകളായാണ് യാത്രയെന്നും ഡയറക്ടർ ഫാ. തോമസ് ടി. തുണ്ടത്തിൽ സിഎംഐ അറിയിച്ചു.
