കാട്ടാന വിള നശിപ്പിച്ച കർഷകർക്ക് നഷ്ടപരിഹാരം നൽകണമെന്ന്; കിസാൻ കോൺഗ്രസ് മണ്ഡലം കമ്മിറ്റി
കോടഞ്ചേരി: കഴിഞ്ഞ ആഴ്ചകളിൽ പഞ്ചായത്തിലെ ചിപ്പിലിത്തോട്, തുഷാരഗിരി, വട്ടച്ചിറ, മരുതിലാവ് പ്രദേശങ്ങളിലെ ജനവാസ മേഖലയിൽ കാട്ടാനക്കൂട്ടമിറങ്ങി വിള നശിപ്പിച്ച കർഷകർക്ക് നഷ്ടപരിഹാരം നൽകണമെന്ന് ആവശ്യം. കാട്ടാനയിറങ്ങി നിരവധി കർഷകരുടെ ഏക്കർ കണക്കിന് കൃഷികളാണ് നശിപ്പിച്ചത്. നഷ്ടപരിഹാരത്തിനായി വനം വകുപ്പിന്റെ ഭാഗത്തുനിന്ന് നടപടികളൊന്നുമില്ലെന്ന് കിസാൻ കോൺഗ്രസ് മണ്ഡലം കമ്മിറ്റി ഓൺലൈൻ യോഗം ആരോപിച്ചു.
വനം വകുപ്പിന്റെ അനാസ്ഥയ്ക്കെതിരെ സമരം നടത്താനും യോഗം തീരുമാനിച്ചു. കോൺഗ്രസ് മണ്ഡലം പ്രസിഡന്റ് സണ്ണി കാപ്പാട്ട്മല ഉദ്ഘാടനം ചെയ്തു. കർഷക കോൺഗ്രസ് മണ്ഡലം പ്രസിഡന്റ് സാബു മനയിൽ അധ്യക്ഷത വഹിച്ചു. കർഷക കോൺഗ്രസ് ജില്ലാ സെക്രട്ടറി ജോയി നെടുമ്പള്ളി, വിൻസെന്റ് വടക്കേമുറിയിൽ, ജോസ് പെരുമ്പള്ളി, ബേബി കോട്ടപ്പള്ളി, ബാബു പട്ടരാട് എന്നിവർ പ്രസംഗിച്ചു