മുക്കം: ചാലിയാറിലെ അനധികൃത മണല്‍ മാഫിയക്കെതിരെ നടപടി ശക്തമാക്കി പോലീസ്. കഴിഞ്ഞ ദിവസം നടന്ന പരിശോധനയില്‍ പകല്‍ സമയത്ത് മണല്‍ വാരിക്കൊണ്ടിരിക്കുകയായിരുന്ന പതിനെട്ട്‌ തോണികള്‍ പോലീസ് പിടികൂടി. വാഴക്കാട് പോലീസിന് കീഴിലുള്ള ‘ചാലിയാര്‍ രക്ഷകന്‍ ‘ എന്ന ബോട്ടിലെത്തിയാണ് പോലീസ് തോണികള്‍ പിടികൂടിയത്.
രാവിലെ പതിനൊന്നിന് വാഴക്കാട് സര്‍ക്കിള്‍ ഇന്‍സ്‌പെക്ടര്‍ സുഷീലിന്‍റെ നേതൃത്വത്തിലാണ് പോലീസ് സംഘമെത്തിയത്. പോലീസിനെ കണ്ടതോടെ മണല്‍ എടുത്ത് കൊണ്ടിരുന്നവര്‍ ഓടി രക്ഷപ്പെട്ടു. കഴിഞ്ഞ മാസവും ചാലിയാര്‍ പുഴയിലെ ചെറുവാടിക്കടവില്‍ നിന്ന് മണല്‍ കടത്തിയ മൂന്നു വഞ്ചികള്‍ വാഴക്കാട് പോലീസും മുക്കം പോലീസ് ചേര്‍ന്ന് പിടികൂടി നടപടി സ്വീകരിച്ചിരുന്നു. അര്‍ധരാത്രി മണല്‍ കടത്തിപ്പോകുകയായിരുന്ന ടിപ്പര്‍ ലോറിയും ചെറുവാടിക്കടവില്‍ നിന്ന് മുക്കം പോലീസ് കസ്റ്റഡിയിലെടുത്തിരുന്നു. ചെറുവാടി തേനേങ്ങപറമ്പില്‍ നിന്നും മണല്‍ കൊള്ളക്കു പയോഗിച്ചിരുന്ന നമ്പര്‍ പ്ലേറ്റില്ലാത്ത ഒരു വാഹനവും പിടികൂടി. അരീക്കോട്, കൊണ്ടോട്ടി സ്റ്റേഷനിലെ പോലീസ് സംഘമാണ് ഇന്നലെ നടന്ന പരിശോധനക്ക് നേതൃത്വം നല്‍കി
