Kozhikode
എല്ലാദിവസവും കട തുറക്കാന് അനുവദിക്കണം’ പ്രതിഷേധവുമായി വ്യാപാരികള്, സംഘര്ഷം, അറസ്റ്റ്
കോഴിക്കോട്: എല്ലാദിവസവും കടകൾ തുറക്കാന് അനുമതി നല്കണമെന്ന് ആവശ്യപ്പെട്ട് കോഴിക്കോട് വ്യാപാരികളുടെ പ്രതിഷേധം. വ്യാപാര വ്യവസായ ഏകോപന സമിതിയുടെ നേതൃത്വത്തിലാണ് പ്രതിഷേധം. പ്രതിഷേധക്കാരും പൊലീസും തമ്മില് നേരിയ തോതില് സംഘര്ഷമുണ്ടായി. അറസ്റ്റ് ചെയ്താലും കടകള് തുറക്കാതെ പിന്നോട്ടില്ലെന്ന നിലപാടിലാണ് വ്യാപാരികള്.
പ്രതിഷേധക്കാരെ പൊലീസ് അറസ്റ്റ് ചെയ്ത് നീക്കി. വരുംദിവസങ്ങളില് പ്രതിഷേധം ശക്തിപ്പെടുത്താനാണ് വ്യാപാരികളുടെ നീക്കം. കഴിഞ്ഞ ദിവസം പ്രതിഷേധ സൂചകമായി വ്യാപാരികള് ഒരുദിവസത്തെ പണിമുടക്ക് നടത്തിയിരുന്നു. സര്ക്കാരുമായി ചര്ച്ച നടത്തിയെങ്കിലും വ്യാപാരികള്ക്ക് അനുകൂലമായ നടപടിയുണ്ടായില്ല.
