കോഴിക്കോട്*: സംസ്ഥാനത്ത് ഇപ്പോള് നിലവിലുള്ള കോവിഡ് നിയന്ത്രണങ്ങള് അശാസ്ത്രീയമെന്ന് ചൂണ്ടിക്കാട്ടി മുഖ്യമന്ത്രിക്ക് ഡോ. എം.കെ മൂനീറിന്റെ കത്ത്. സംസ്ഥാനത്തെ വ്യാപാരാസ്ഥാപനങ്ങള് ആഴ്ചയില് മൂന്നു ദിവസം തുറന്നു പ്രവര്ത്തിക്കുന്നതും ശനി, ഞായര് ദിവസങ്ങളില് പൂര്ണമായി അടച്ചിടുന്നതുമെല്ലാം അശാസ്ത്രീയമാണ്. ആള്ക്കൂട്ടങ്ങള് ഒഴിവാക്കാന് കടകള് കൂടുതല് സമയം തുറന്നുപ്രവര്ത്തിക്കണമെന്നും കത്തില് പറയുന്നു.
ബാങ്കുകളുടെ പ്രവര്ത്തനത്തിലും നിയന്ത്രണം ഒഴിവാക്കണമെന്ന് അദ്ദേഹം ആവശ്യപ്പെട്ടു. സാമൂഹ്യ അകലം പാലിച്ചും ആള്ക്കൂട്ടം ഒഴിവാക്കിയും കോവിഡ് പ്രതിരോധ പ്രവര്ത്തനങ്ങള് ഊര്ജിതപ്പെടുത്തി ടി.പി.ആര് നിരക്ക് കുറച്ചുകൊണ്ടുവരാനുള്ള നടപടികള് സര്ക്കാരിന്റെ ഭാഗത്തുനിന്ന് ഉണ്ടാവണമെന്നും അദ്ദേഹം ആവശ്യപ്പെട്ടു.
നിലവിലെ നിയന്ത്രണംമൂലം കടതുറക്കുന്ന ദിവസങ്ങളില് ടൗണികളില് വന് ജനത്തിരക്കാണെന്നും തല്സ്ഥിതി തുടരുന്നത് കേരളത്തിന് ഗുണം ചെയ്യില്ലെന്നും അദ്ധേഹം ഓര്മിപ്പിച്ചു.
