Thiruvambady
കെട്ടിട നികുതി അടക്കാൻ സ്കാൻ പേ സൗകര്യമൊരുക്കി തിരുവമ്പാടി ഗ്രാമപഞ്ചായത്ത്
തിരുവമ്പാടി: തിരുവമ്പാടി ഗ്രാമപഞ്ചായത്തിലെ കെട്ടിട ഉടമകൾക്ക് വസ്തു നികുതി അടക്കാൻ ഡിജിറ്റൽ സംവിധാനമൊരുക്കി തിരുവമ്പാടി ഗ്രാമ പഞ്ചായത്ത്.
തിരുവമ്പാടി ഗ്രാമപഞ്ചായത്ത് സെക്രട്ടറിയുടെ പേരിൽ തിരുവമ്പാടി സ്റ്റേറ്റ് ബാങ്ക് ഓഫ് ഇന്ത്യയിലെ അക്കൗണ്ട് വഴിയാണ് സ്കാൻ പേ സൗകര്യമൊരുക്കിയിരിക്കുന്നത്. കെട്ടിട ഉടമകൾക്ക് ഇതോടെ നികുതി വീട്ടിലിരുന്നും വിദേശത്തിരുന്നും അടക്കാനാവും.
ക്യു ആർ കോഡ് സ്കാൻ ചെയ്ത് നികുതിയടക്കുന്നവർക്ക് 9496048207 എന്ന വാട്സാപ്പ് നമ്പറിലേക്ക് പേ റസീപ്റ്റ് സെന്റ് ചെയ്യാനും അത് വഴി ഗ്രാമ പഞ്ചായത്തിന്റെ ഡിജിറ്റൽ റസീപ്റ്റ് നൽകാനും സംവിധാനം ഒരുക്കിയതായും ഗ്രാമപഞ്ചായത്ത് അധികൃതർ അറിയിച്ചു.
