കൂടരഞ്ഞി: കൂമ്പാറ – കക്കാടംപൊയിൽ പൊതുമരാമത്ത് വകുപ്പ് റോഡിൽ കള്ളിപ്പാറയ്ക്കു സമീപത്തെ വ്യൂ പോയിന്റ് സ്വകാര്യ റിസോർട്ട് അധികൃതർ കയ്യേറി കമ്പി വേലി സ്ഥാപിച്ചതായി പരാതി. ഈ റോഡിലൂടെ പോകുന്ന വിനോദ സഞ്ചാരികൾ വാഹനം നിർത്തി താഴ്വാരത്തെ കാഴ്ചകൾ കാണുന്ന സ്ഥലമാണ് ഇത്.
ഈ വ്യൂ പോയിന്റ് തങ്ങളുടെ അധീനതയിലാക്കാനാണ് ഇവിടെ കമ്പിവേലി സ്ഥാപിച്ച് യാത്രക്കാരുടെ പ്രവേശനം തടയാൻ സ്വകാര്യ വ്യക്തി ശ്രമിക്കുന്നത് എന്നാണ് ആക്ഷേപം. പൊതുസ്ഥലം കയ്യേറിയതിനെതിരെ നടപടി വേണമെന്നു നാട്ടുകാർ ആവശ്യപ്പെട്ടു.
