കൂടരഞ്ഞി: കൂടരഞ്ഞി ഗ്രാമപഞ്ചായത്ത് വയോജന സൗഹൃദ ഗ്രാമപഞ്ചായത്തായി ഉയർത്തുന്നതിൻ്റെ ഭാഗമായി ശില്പശാല സംഘടിപ്പിച്ചു. വയോജന സൗഹൃദ ഗ്രാമപഞ്ചായത്ത് പദ്ധതിയെക്കുറിച്ചും വയോജന അയൽക്കൂട്ടം, വാർഡ് തല വയോ ക്ലബുകൾ പഞ്ചായത്ത് തല വയോ ക്ലബുകൾ എന്നിവയുടെ പ്രവർത്തനം, ഘടന, രൂപീകരണം എന്നിവയെ കുറിച്ച് ശില്പശാലയിൽ പ്രതിപാദിച്ചു. വാർഡ് തലത്തിൽ ഗ്രൂപ്പുകളായി ചർച്ചകൾ നടത്തി അഭിപ്രായങ്ങളും നിർദേശങ്ങളും അവതരിപ്പിച്ചു.
ഗ്രാമപഞ്ചായത്ത് പ്രസിഡൻ്റ് ആദർശ് ജോസഫ് ശില്പശാല ഉ്ഘാടനം ചെയ്തു. ക്ഷേമ കാര്യ സ്ഥിരം സമിതി അധ്യക്ഷ റോസ്‌ലി ജോസ് അധ്യക്ഷത വഹിച്ച പരിപാടിയിൽ വൈസ് പ്രസിഡൻ്റ് മേരി തങ്കച്ചൻ, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ വി.എസ് രവീന്ദ്രൻ, വികസന കാര്യ സ്ഥിരം സമിതി അധ്യക്ഷൻ ജോസ് തോമസ്, വാർഡ് മെമ്പർമാരായ എൽസമ്മ ജോർജ്, സീന ബിജു, ജെറീന റോയ്, ബിന്ദു ജയൻ, ബാബു മൂട്ടോളി, പഞ്ചായത്ത് അക്കൗണ്ടന്റ് ചന്ദ്രൻ വട്ടോളി, ഐ.സി.ഡി.എസ് സൂപ്പർവൈസർ ഫസ്‌ലി, ആസൂത്രണ സമിതി അധ്യക്ഷൻ ജിജി കട്ടക്കയം തുടങ്ങിയവർ സംസാരിച്ചു.
