തോട്ടുമുക്കം ഗവ. യു.പി സ്കൂളിൽ റിപ്പബ്ലിക് ദിന ഫുട്ബോൾ ടൂർണ്ണമെന്റ് പുനരാരംഭിച്ചു
തോട്ടുമുക്കം: ഷറഫുദ്ദീൻ, സച്ചിൻ ബിജു, മുഹമ്മദ് റാഫ്സൽ ഖാൻ എന്നിവരുടെ സ്മരണാർത്ഥം എല്ലാവർഷവും ജനുവരി 26 റിപ്പബ്ലിക് ദിനത്തിൽ തോട്ടുമുക്കം ഗവൺമെന്റ് യു.പി സ്കൂളിൽ നടത്തിവരാറുണ്ടായിരുന്ന റിപ്പബ്ലിക് ദിന ഫുട്ബോൾ ടൂർണ്ണമെന്റ് പുനരാരംഭിച്ചു. കോവിഡ് സാഹചര്യത്തിൽ രണ്ടു വർഷമായി ടൂർണമെന്റ് നടന്നിരുന്നില്ല. സബ് ജില്ലയിലെ വിവിധ സ്കൂളുകളിൽ നിന്നുള്ള ടീം അംഗങ്ങൾ ടൂർണമെന്റിൽ പങ്കെടുത്തു.
വാർഡ് മെമ്പർ ദിവ്യാ ഷിബു ടൂർണമെന്റ് ഉദ്ഘാടനം ചെയ്തു. ചടങ്ങിൽ ഹെഡ്മാസ്റ്റർ ഗിരീഷ് കുമാർ, കൊടിയത്തൂർ ഗ്രാമ പഞ്ചായത്ത് മെമ്പർ ടി.കെ അബൂബക്കർ, പി.ടി.എ പ്രസിഡന്റ് വൈ.പി അഷ്റഫ്, എസ്.എം.സി ചെയർമാൻ ബാബു കെ, പി.ടി.എ വൈസ് പ്രസിഡന്റ് അബ്ദുൽ ജബ്ബാർ, എം.പി.ടി.എ പ്രസിഡന്റ് ജിഷ, വൈസ് പ്രസിഡണ്ട് ജംഷീദ, എസ്.എം.സി വൈസ് ചെയർമാൻ ബിജു എന്നിവർ പങ്കെടുത്തു.
ടൂർണമെന്റിൽ ജി.എം യു.പി സ്കൂൾ ചേന്നമംഗലൂർ വിന്നേഴ്സ് ട്രോഫിയും, എ.യു.പി സ്കൂൾ പന്നിക്കോട് റണ്ണേഴ്സ് ട്രോഫിയും കരസ്ഥമാക്കി. ടൂർണമെന്റിൽ പങ്കെടുത്ത മുഴുവൻ ആളുകൾക്കും സ്കൂൾ പി.ടി.എ കമ്മിറ്റിയുടെ നേതൃത്വത്തിൽ വിഭവ സമൃദ്ധമായ ഭക്ഷണവും തയ്യാറാക്കിയിരുന്നു.
