Thiruvambady

തിരുവമ്പാടിയിൽ അങ്കണവാടി പ്രവേശനോത്സവം നടത്തി

തിരുവമ്പാടി: തിരുവമ്പാടി ഗ്രാമപഞ്ചായത്തിലെ പഞ്ചായത്ത് തല അങ്കണവാടി പ്രവേശനോത്സവം താഴെ തിരുവമ്പാടി അങ്കണവാടിയിൽ വച്ച് നടന്നു. ഗ്രാമപഞ്ചായത്ത് വൈസ് പ്രസിഡന്റ് കെ.എ അബ്ദുറഹിമാന്റെ അദ്ധ്യക്ഷതയിൽ നടന്ന പരിപാടി ഗ്രാമപഞ്ചായത്ത് പ്രസിഡന്റ് മേഴ്സി പുളിക്കാട്ട് ഉദ്ഘാടനം ചെയ്തു. ക്ഷേമ കാര്യ സ്ഥിരം സമിതി അദ്ധ്യക്ഷൻ രാമചന്ദ്രൻ കരിമ്പിൽ, ഐ.സി.ഡി.എസ് സൂപ്പർവൈസർ ചഷ്മ ചന്ദ്രൻ, ജാഗ്രത സമിതി കൗൺസിലർ ഷംസിയ, വർക്കർ ഷാനി പി.കെ തുടങ്ങിയവർ സംസാരിച്ചു.

അങ്കണവാടിയിലെ 50 കുട്ടികൾക്ക് സംഗമിത്ര ആട്സ് & സ്പോർട്സ് ക്ലബ്ബ് ഉപഹാരങ്ങൾ നൽകി. കുട്ടികൾക്ക് നൽകാനുള്ള ഉപഹാരങ്ങൾ രവി മാഞ്ചാലിലിൽ നിന്ന് ഗ്രാമപഞ്ചായത്ത് പ്രസിഡന്റ് ഏറ്റുവാങ്ങി. പരിപാടിയുടെ ഭാഗമായി കുട്ടികൾക്കും അമ്മമാർക്കും പായസ വിതരണവും നടത്തി. ഗ്രാമപഞ്ചായത്തിലെ 27 അങ്കണവാടികളിലും വിവിധ പരിപാടികളോടെ നടന്ന പ്രവേശനോത്സവത്തിന് വാർഡ് മെമ്പർമാരായ മഞ്ജു ഷിബിൻ, കെ.എം ബേബി, രാജു അമ്പലത്തിങ്കൽ, കെ.ഡി ആന്റണി, രാധമണി ദാസൻ, ലിസി സണ്ണി, ഷൈനി ബെന്നി, അപ്പു കോട്ടയിൽ, റംല ചോലക്കൽ, മുഹമ്മദലി കെ.എം , ബീന ആറാംപുറത്ത്, ഷൗക്കത്തലി കെ.എം, ലിസി മാളിയേക്കൽ, ബിന്ദു ജോൺസൻ തുടങ്ങിയവർ നേതൃത്വം നൽകി.

Related Articles

Leave a Reply

Back to top button