ന്യൂഡല്ഹി: രാജ്യത്ത് പാചകവാതക വില കുറഞ്ഞു. ഗാര്ഹിക ഉപഭോക്താക്കളുടെ സിലിണ്ടറിന് 62 രൂപ 50 പൈസയും വാണിജ്യ ആവശ്യത്തിനുള്ള സിലിണ്ടറിന് 97 രൂപ 50 പൈസയുമാണ് കുറഞ്ഞത്. ഇതോടെ ഗാര്ഹിക സിലിണ്ടറിന് 734 രൂപയും വാണിജ്യ ആവശ്യത്തിനുള്ള സിലിണ്ടറിന് 1274 രൂപയുമായി.
പുതുക്കിയവില ബുധനാഴ്ച നിലവില് വന്നു. രാജ്യാന്തര വിപണിയില് വില കുറഞ്ഞതാണ് വില കുറയാന് ഇടയാക്കിയത്. ആറ് മാസത്തിനിടെ ആറ് തവണയായി വില കൂടിയ ശേഷം ഇതാദ്യമായാണ് പാചക വാതകത്തിന്റെ വില കുറയുന്നത്.
