താമരശ്ശേരി: ഗവ. താലൂക്ക് ആശുപത്രിയിൽ ഒന്നാം നിലയിൽ പ്രവർത്തിക്കുന്ന ഡയാലിസിസ് സെന്ററിൽ ലിഫ്റ്റ് സ്ഥാപിക്കണമെന്ന് ആവശ്യപ്പെട്ട് താമരശ്ശേരി യൂണിറ്റ് സുന്നി യുവജന സംഘം കമ്മിറ്റി രംഗത്ത്. ഡയാലിസിനുശേഷം താഴത്തെ നിലയിലേക്ക് ഇറങ്ങാനും മുകളിൽ എത്താനും നിലവിൽ ഭിന്നശേഷി സൗഹൃദ റാമ്പ് മാത്രമാണ് സൗകര്യമുള്ളത്. ഇത് രോഗികൾക്കും ബന്ധുക്കൾക്കും പ്രയാസം സൃഷ്ടിക്കുന്നതായി കണ്ടെത്തിയിട്ടുണ്ട്.
പകൽ സമയങ്ങളിൽ വൊളന്റിയർമാരോ ബന്ധുക്കളോ സഹായിക്കുന്നുണ്ടെങ്കിലും രാത്രി സമയങ്ങളിൽ ഈ സൗകര്യങ്ങൾ ഇല്ലാത്തതിനാൽ രോഗികൾ കടുത്ത പ്രയാസം അനുഭവിക്കുകയാണ്. ചെറിയ കാലടിത്തറി ഉള്ളവർക്ക് റാമ്പ് വഴിയും സഞ്ചാരം സങ്കീർണമാണ്.
ഹാരിസ് ഹിശാമി, റഷീദ് ഒടുങ്ങാക്കാട്, അബ്ദുൽ ലത്തീഫ് സഖാഫി തുടങ്ങിയവർ യോഗത്തിൽ സംസാരിച്ചു.
