Kodiyathur

ചെറുവാടി റോഡ് പുനരുദ്ധാരണത്തിൽ അശാസ്ത്രീയം: യു.ഡി.എഫ്. ധർണയ്ക്ക് നേതൃത്വം നൽകും

കൊടിയത്തൂർ:ചെറുവാടി യു.ഡി.എഫ്. കമ്മിറ്റി ഇന്ന് (വെള്ളിയാഴ്ച) വൈകുന്നേരം നാലുമണിക്ക് ചെറുവാടിയിൽ പ്രതിഷേധ ധർണ സംഘടിപ്പിക്കും. ചുള്ളിക്കാപ്പറമ്പ്-ചെറുവാടി-കവിലട റോഡിന്റെ പുനരുദ്ധാരണ പ്രവർത്തനം അശാസ്ത്രീയമാണെന്നാരോപിച്ചാണ് ധർണ സംഘടിപ്പിക്കുന്നത്.

ഏഴുകോടി രൂപ ചെലവിൽ നടക്കുന്ന ഈ പുനരുദ്ധാരണ പ്രവർത്തനങ്ങൾ ആരംഭിച്ചുമുതൽ പ്രദേശവാസികൾ കടുത്ത ദുരിതം അനുഭവിക്കുകയാണെന്ന് കമ്മിറ്റിയുടെ ആരോപണമാണ്. ഒന്നര വർഷത്തോളമായി യാത്ര ചെയ്യാൻ പോലും പറ്റാത്ത വിധത്തിൽ റോഡിന്റെ നില വഷളായിരിക്കുകയാണ്.

സമരത്തിന്റെ ആവശ്യം വ്യക്തമാക്കുന്ന പത്രസമ്മേളനത്തിൽ ഗ്രാമപ്പഞ്ചായത്ത് അംഗം മജീദ് രിഹ്‌ല, അഷ്റഫ് കൊളക്കാടൻ, എസ്.എ. നാസർ, പി.കെ.സി. കുഞ്ഞോയി എന്നിവർ പങ്കെടുത്തു.

Related Articles

Leave a Reply

Back to top button