കാരശ്ശേരി : കാരശ്ശേരി പഞ്ചായത്തിലെ പുഴിയോറ കുടിവെള്ളപദ്ധതിയുടെ ജലവിതരണം മുടങ്ങിയിട്ട് രണ്ടാഴ്ചയോളമായി. പഞ്ചായത്തിലെ രണ്ട്, മൂന്ന്, നാല് വാർഡുകളിൽപ്പെട്ട കാരമൂല, കൽപ്പൂര് പ്രദേശങ്ങളിലെ ഒട്ടേറെ കുടുംബങ്ങൾ ആശ്രയിക്കുന്ന പദ്ധതിയാണിത്. മഴക്കാലത്തുപോലും വെള്ളംകിട്ടാത്ത മലഞ്ചെരിവുകളായ ഈ പ്രദേശത്ത് ശുദ്ധജലവിതരണമാണ് ആശ്രയം. ജലവിതരണം മുടങ്ങിയതോടെ പ്രദേശവാസികൾ ദുരിതത്തിലായി.
ജലവിതരണം അടിയന്തരമായി പുനരാരംഭിക്കണമെന്ന് ബിജെപി കുമാരനെല്ലൂർ ഏരിയാകമ്മിറ്റി ആവശ്യപ്പെട്ടു. പ്രസിഡന്റ് കെ.എസ്. അനിൽ അധ്യക്ഷനായി. മണ്ഡലം ജനറൽസെക്രട്ടറി രാജൻ കൗസ്തുഭം, പി. ദീപു, ടി. ബാബു, മാത്യു തറപ്പേൽ എന്നിവർ സംസാരിച്ചു.
