Thamarassery
ചുങ്കത്ത് റോഡരികിൽ രുപപ്പെട്ട ഗർത്തം: അപായസൂചനാ ബോര്ഡില്ലാത്തത് അപകട സാധ്യതയേറുന്നു
താമരശേരി: താമരശേരി ചുങ്കം ജംഗ്ഷനോട് ചേര്ന്ന് ബാലുശേരി റോഡരികില് റോഡ് അടക്കം ഇടിഞ്ഞ് താന്ന് ഗര്ത്തം രൂപപ്പെട്ടു. സിറ്റി ഗ്യാസ് പൈപ്പ് ലൈന് സ്ഥാപിക്കുന്നതിനായി കുഴിയെടുത്ത് മൂടിയ ഭാഗത്താണ് ഗര്ത്തം. വാഹനങ്ങള് അരികു ചേര്ന്ന് വന്നാല് കുഴിയില് വീണ് ഏപ്പോള്വേണമെങ്കിലും അപകടമുണ്ടാകാമെന്ന സ്ഥിതിയാണ്. ഇവിടെ ഒരു അപായസൂചനാ ബോര്ഡ് പോലും സ്ഥാപിച്ചിട്ടുമില്ല.
കുഴിയടക്കാന് അധികൃതര് അടിയന്തര നടപടി സ്വീകരിക്കണമെന്ന ആവശ്യം ശക്തമാണ്. എകരൂലില് നിന്നും താമരശേരി വഴി കാരന്തൂരിലേക്കാണ് ഭൂമിക്കടിയിലൂടെ പൈപ്പ് ലൈന് സ്ഥാപിച്ചുകൊണ്ടിരിക്കുന്നത്.