കോടഞ്ചേരി: കോടഞ്ചേരി ഗ്രാമപഞ്ചായത്തിന്റെ ഭരണസമിതിയുടെ വികസന കുതിപ്പിൽ അന്താളിച്ചു നിൽക്കുന്ന സിപിഐ എം, ഭരണസമിയുടെ സത്പേര് കളങ്കപ്പെടുത്തുവാനായി വ്യാജ ജാതി ആരോപണങ്ങൾ അടക്കം ഉന്നയിച്ചുകൊണ്ട് പൊതുസമൂഹത്തിന്റെ മുന്നിൽ ഭരണസമിതിയെ അവ മതിപ്പുണ്ടാക്കാനുള്ള ശ്രമങ്ങൾ ജനങ്ങൾ തിരിച്ചറിയുമെന്നും കോടഞ്ചേരി ഗ്രാമപഞ്ചായത്തിന്റെ അജൈവമാലിന്യ സംസ്കരണം പരിപാടികളെ രാഷ്ട്രീയ ദുഷ്ടലാക്കോട് കൂടി ഹരിത കർമ്മ സേന പ്രവർത്തനങ്ങളെ അസ്ഥിരപ്പെടുത്തുവാൻ ഉള്ള ശ്രമങ്ങളെ യു.ഡി.എഫ് ഒറ്റകെട്ടായി ചെറുത്തു തോൽപ്പിക്കുമെന്നും ഗ്രാമപഞ്ചായത്ത് ഭരണസമിതി വിലയിരുത്തി.
ഗ്രാമ പഞ്ചായത്ത് പ്രസിഡണ്ട് അലക്സ് തോമസ് ചെമ്പകശ്ശേരിയുടെ അധ്യക്ഷതയിൽ ചേർന്ന യോഗത്തിൽ വൈസ് പ്രസിഡൻറ് ജമീല അസീസ്, സ്റ്റാൻഡിങ് ചെയർമാൻമാരായ ജോസ് പെരുമ്പള്ളി, സൂസൻ വർഗീസ്, സിബി ചിരണ്ടായത്ത്, വാർഡ് മെമ്പർമാരായ ലിസി ചാക്കോ, ചിന്ന അശോകൻ,ഷാജു ടി പി തേന്മല, വാസുദേവൻ ഞാറ്റുകാലായിൽ, റോസമ്മ കയത്തുങ്കൽ , വനജ വിജയൻ, ലീലാമ്മ കണ്ടത്തിൽ, ചിന്നമ്മ വായിക്കാട്ട്, റിയാനസ് സുബൈർ, സിസിലി ജേക്കബ്, ആസൂത്രണ സമിതി ഉപാധ്യക്ഷൻ തമ്പി പറകണ്ടത്തിൽ സംബന്ധിച്ചു.
