പി.ടി.എം.എച്ച്.എസ് ‘ഫോസ 2001’ പൂർവ വിദ്യാർത്ഥി സംഗമവും ഓണാഘോഷവും സംഘടിപ്പിച്ചു
കൊടിയത്തൂർ: ഇരുപത്തഞ്ച് വർഷങ്ങൾക്ക് മുൻപ് പി.ടി.എം.എച്ച്.എസിൽ നിന്നും എസ്.എസ്.എൽ.സി വിജയിച്ചിറങ്ങിയ വിദ്യാർത്ഥികളുടെ കൂട്ടായ്മയായ ‘ഫോസ 2001’-ന്റെ രജത ജൂബിലി സംഗമവും ഓണാഘോഷ പരിപാടികളും സ്കൂൾ ഓഡിറ്റോറിയത്തിൽ വെച്ച് വർണാഭമായി നടന്നു.
ഓർമ്മകളുടെ വേരുകളിലേക്ക് മടങ്ങിയ പൂർവ വിദ്യാർത്ഥികളുടെ സംഗമം സ്നേഹത്തിന്റെയും സൗഹൃദത്തിന്റെയും പുത്തൻ അനുഭവമായി മാറി. ചടങ്ങിന്റെ ഔദ്യോഗിക ഉദ്ഘാടനം പിടിഎ ഹൈസ്കൂൾ ഹെഡ്മാസ്റ്റർ പെരിങ്ങളം മുഹമ്മദ് മാഷ് നിർവഹിച്ചു. ഈ ഒത്തുകൂടലിന് മാറ്റ് കൂട്ടിക്കൊണ്ട്, ബാച്ച് അംഗങ്ങളുടെ കുട്ടികളിൽ പഠനമേഖലയിൽ ഉന്നത വിജയം പുലർത്തിയ മിടുക്കരെ ചടങ്ങിൽ ആദരിച്ചു. ഇത് സദസ്സിന് ഏറെ അഭിമാനകരമായ നിമിഷമായി മാറി.ഓണാഘോഷവും കലാപരിപാടികളും
ഉദ്ഘാടന ചടങ്ങിനുശേഷം വ്യത്യസ്തമാർന്ന ഓണാഘോഷ പരിപാടികൾ അരങ്ങേറി.
പൂർവ വിദ്യാർത്ഥികളും കുടുംബാംഗങ്ങളും ഒത്തുകൂടിയുള്ള ആഘോഷങ്ങൾ ചടങ്ങിന് കൂടുതൽ തിളക്കം നൽകി. നേതൃത്വം പരിപാടികൾക്ക് ‘ഫോസ 2001’ കമ്മിറ്റി പ്രസിഡന്റ് ഫൈസൽ കുടിയത്തൂർ, സെക്രട്ടറി നസീർ മണക്കാടി എന്നിവർ നേതൃത്വം നൽകി.കൂടാതെ കമ്മിറ്റി അംഗങ്ങളായ ജസ്നി, ജാഫർ, നൗഫൽ, ജാസിം സി.പി, സജ്ന, മുംതാസ്, സീത, പ്രജോഷ് എന്നിവരും പരിപാടികളുടെ വിജയത്തിനായി സജീവമായി രംഗത്തുണ്ടായിരുന്നു.
