Kerala
കരിപ്പൂര് വിമാനാപകടം; രക്ഷാപ്രവര്ത്തനത്തിലേര്പ്പെട്ട പത്ത് പേര്ക്ക് കൊവിഡ് സ്ഥിരീകരിച്ചു
കരിപ്പൂര്: കരിപ്പൂര് വിമാനാപകടത്തില് രക്ഷാപ്രവര്ത്തനത്തിലേര്പ്പെട്ട പത്ത് പേര്ക്ക് കൊവിഡ് 19 സ്ഥിരീകരിച്ചു. കൊണ്ടോട്ടി നഗരസഭാ പരിധിയിലെ പത്ത് പേര്ക്കാണ് രോഗം സ്ഥിരീകരിച്ചത്. നെടിയിരുപ്പില് ആറ് പേര്ക്കും കൊണ്ടോട്ടിയില് നാല് പേര്ക്കുമാണ് വൈറസ് ബാധ സ്ഥിരീകരിച്ചിരിക്കുന്നത്.
വിമാനാപകടം നടക്കുമ്പോള് കൊണ്ടോട്ടി കണ്ടെയിന്മെന്റ് സോണ് ആയിരുന്നു. രക്ഷാപ്രവര്ത്തനത്തില് ഏര്പ്പെട്ടവര് എല്ലാവരും സ്വമേധയാ ക്വാറന്റൈനില് പ്രവേശിച്ചിരുന്നു. അതേസമയം രക്ഷാപ്രവര്ത്തനത്തിന് എത്തിയ മലപ്പുറം കലക്ടര്ക്കും വൈറസ് ബാധ സ്ഥിരീകരിച്ചിരുന്നു.
