TOP NEWS
തിരുവമ്പാടിയിൽ ഇന്ന് 36 കോവിഡ് പോസിറ്റീവ് കേസുകൾതിരുവമ്പാടി; ആനക്കാംപൊയിൽ ചീരാംകുന്നേൽ മാത്യു നിര്യാതനായിതിരുവമ്പാടി; പഴേവീട്ടിൽ ജോസ് കുര്യൻ (ജോസ്‌കുട്ടി) നിര്യാതനായിമുൻ പുതുപ്പാടി പഞ്ചായത്ത് പ്രസിഡൻ്റ ഗിരീഷ് ജോണിനെതിരെ സിപിഐഎം നടപടിചുരത്തിൽ അലക്ഷ്യമായി മാലിന്യം തള്ളുന്നു, പാതയോരങ്ങൾ വൃത്തിഹീനമായി; മാലിന്യം തള്ളുന്നത് ശ്രദ്ധയിൽപ്പെട്ടാൽ നടപടി സ്വീകരിക്കുമെന്ന് പോലീസും, വനം വകുപ്പുംകോവിഡ് കാലത്തും, കിതയ്ക്കാതെ കുതിക്കുകയാണ് സന്നദ്ധപ്രവർത്തക മറിയാമ്മ ബാബുഇന്ധനവില വര്‍ധനവില്‍ ഇടപെട്ട് ഹൈക്കോടതിപ്ലസ്ടു,മലയോര സ്കൂളുകളിൽ സയൻസിൽ നൂറ്‌ ശതമാനംകര്‍ഷകരുടെയും ചെറുകിട സംരംഭകരുടെയും കടങ്ങള്‍ക്ക് മൊറട്ടോറിയം അനുവദിക്കണം : രാഹുല്‍ ഗാന്ധിജില്ലയില്‍ നാല് ദിവസം കൊവിഡ് മെഗാ പരിശോധാന ക്യാമ്പ്
Kozhikode

മോഷണസംഘം സഞ്ചരിച്ച ജീപ്പ് അപകടത്തിൽ പെട്ടു: 2 പേർ പിടിയിൽ

കൊടുവള്ളി ∙ മോഷണസംഘം സഞ്ചരിച്ച ജീപ്പ് അപകടത്തിൽ പെട്ടതിനെ തുടർന്ന് 2 പേർ പിടിയിൽ. പെരിന്തൽമണ്ണ തിരൂർക്കാട് ഓടപറമ്പിൽ അജ്മൽ(25), പുത്തണത്താണി ചുങ്കം ആലുങ്ങൽ ജുനൈദ്(24) എന്നിവരാണ് പിടിയിലായത്. ഇവർക്കൊപ്പമുണ്ടായിരുന്ന മലപ്പുറം സ്വദേശി റഹീം ഓടിപ്പോയി.

വെള്ളിയാഴ്ച ഉച്ചയ്ക്ക് രണ്ടോടെ മോഡേൺ ബസാറിനു സമീപമാണ് സംഭവം. വയനാട് ഭാഗത്തുനിന്നു കോഴിക്കോട് ഭാഗത്തേക്ക് പോവുകയായിരുന്ന നമ്പറില്ലാത്ത ജീപ്പ് അപകടത്തിൽ പെട്ടതിനെ തുടർന്നാണ് നാട്ടുകാർ ഓടിക്കൂടിയത്. ജീപ്പ് നിയന്ത്രണം വിട്ട് പഴയ ആർടിഒ ഓഫിസിനു സമീപത്തെ വ്യാപാര സ്ഥാപനത്തിനു മുകളിലേക്ക് ചരിയുകയായിരുന്നു. നാട്ടുകാരും യാത്രക്കാരും ജീപ്പിലുണ്ടായിരുന്ന മൂന്നുപേരെയും പുറത്തെത്തിച്ച് ആശുപത്രിയിൽ എത്തിക്കാൻ ശ്രമിച്ചു. ഇവരുടെ പെരുമാറ്റത്തിൽ സംശയം തോന്നിയ നാട്ടുകാർ വിവരം പൊലീസിൽ അറിയിച്ചു. മൂന്നുപേരെയും സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും റഹീം നാട്ടുകാരെയും പൊലീസിനെയും വെട്ടിച്ചു കടന്നു. ആശുപത്രിയിൽ നിന്ന് ഇറങ്ങി ഓടിയ ജുനൈദിനെ നാട്ടുകാരും പൊലീസും പിന്തുടർന്നു പിടികൂടുകയായിയിരുന്നു.

ഇരുവരെയും പൊലീസ് പിന്നീട് താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. 2 പേരും ലഹരിയിലാണെന്നു പൊലീസ് പറഞ്ഞു വാഹനത്തിന്റെ രഹസ്യ അറയിൽ നിന്നു 10 മൊബൈൽ ഫോണുകൾ കണ്ടെത്തിയിട്ടുണ്ട്. മലപ്പുറം കോഴിച്ചെനയിലെ പാർസൽ സ്ഥാപനത്തിൽ നിന്നു മോഷ്ടിച്ചതാണ് ഇവയെന്നു പൊലീസ് പറഞ്ഞു. അജ്മൽ 28 മോഷണ കേസുകളിൽ പ്രതിയാണ്. കസ്റ്റഡിയിലുള്ള ഇരുവരെയും ചോദ്യം ചെയ്ത ശേഷം തുടർ നടപടികൾ സ്വീകരിക്കുമെന്ന് എസ്ഐ സായൂജ് കുമാർ പറഞ്ഞു.

Show More

Related Articles

Leave a Reply

Your email address will not be published. Required fields are marked *

seventeen − 6 =

Back to top button