കോഴിക്കോട്: കോഴിക്കോട് റെയിൽവെ പ്ലാറ്റ്ഫോമിൽ നിന്ന് 90 ലിറ്റർ മദ്യം കണ്ടെത്തി. റെയിൽവേ പൊലീസും റേഞ്ച് എക്സൈസും നടത്തിയ പരിശോധനയിലാണ് 90 ലിറ്റർ മദ്യം കണ്ടെത്തിയത്. പ്ലാറ്റ്ഫോമിൽ ഉപേക്ഷിച്ച നിലയിലാണ് മദ്യം കണ്ടെത്തിയത്. ആർപിഎഫ് സബ് ഇൻസ്‌പെക്ടർ അപർണ അനിൽ കുമാർ, എക്സൈസ് പ്രിവന്റ്റീവ് ഓഫീസർ മുരളീധരൻ, എക്സൈസ് ഓഫീസർമാരായ രാജേഷ്. എം, എം. ജൂബീഷ്, ഏ.ജി. തമ്പി എന്നിവർ നേതൃത്വം നൽകി. പരിശോധനകൾ തുടർന്നും ശക്തമാകുമെന്ന് റെയിൽവേ പൊലീസ് അറിയിച്ചു.
