മുന്കൂട്ടി ടോക്കണ് നല്കിയവർക്ക് വാക്സിന് ലഭിച്ചില്ലെന്ന് പരാതി
താമരശേരി: മുന്കൂട്ടി ടോക്കണ് നല്കിയവരില് പലര്ക്കും കോവിഡ് വാക്സിന് ലഭിച്ചില്ലെന്ന് പരാതി. താമരശേരി പഞ്ചായത്തിലെ ഒന്ന്, രണ്ട്, മൂന്ന്, നാല്, 16, 17, 18, 19 വാര്ഡുകള്ക്കായി മുന്കൂട്ടി ടോക്കണ് നല്കിയവര്ക്ക് കോരങ്ങാട് ജിഎല്പി സ്കൂളില് വെച്ചാണ് തിങ്കളാഴ്ച വാക്സിനേഷന് ക്യാമ്പ് നടത്തിയത്.
ക്യാമ്പില് ടോക്കണ് ലഭിച്ച് വാക്സിന് സ്വീകരിക്കാനായി എത്തിയവര്ക്ക് വാക്സിന് തീര്ന്നു എന്ന മറുപടിയാണ് ലഭിച്ചത്. എന്നാല് മുന്കൂട്ടി ടോക്കണ് ലഭിക്കാത്തവര്ക്കും മറ്റു വാര്ഡുകളില് നിന്നും എത്തിയ ചിലര്ക്കും ഇവിടെ നിന്നും വാക്സിന് നല്കിയതായും ആരോപണമുണ്ട്.
387പേര്ക്കാണ് തിങ്കളാഴ്ച ക്യാന്പില് വാക്സിന് നല്കിയത്. എട്ടു വാര്ഡുകളിലായി 240 പേര്ക്ക് നേരത്തെ തന്നെ ടോക്കണ് നല്കിയിരുന്നു. ഇതില്പ്പെട്ടവര്ക്കാണ് വാക്സിന് കിട്ടാതെ പോയത്