തിരുവമ്പാടി-കോടഞ്ചേരി റോഡില് ഗതാഗതക്ലേശം രൂക്ഷം
കോടഞ്ചേരി: അഗസ്ത്യന്മുഴി-കൈതപ്പൊയിൽ റോഡ് നിർമ്മാണം പൂർത്തിയാകാത്തതിനെ തുടർന്ന് ഇതുവഴിയുള്ള ഗതാഗതം തീർത്തും ദുഷ്കരമായി മാറിയിരിക്കുകയാണ്. മുറമ്പാത്തി അച്ഛൻകടവ് പാലത്തിനു സമീപം മുതൽ തിരുവമ്പാടി വരെയുള്ള റോഡ് തീർത്തും യാത്രാ യോഗ്യമല്ലാത്ത സ്ഥിതിയാണുള്ളത്. തമ്പലമണ്ണ പാലത്തിന് സമീപം കുഴികളായതോടെ മഴവെള്ളം നിറഞ്ഞ് ഇവിടെയും യാത്ര ദുഷ്കരമായിരിക്കുകയാണ്.
കുഴികളിൽ ഇറങ്ങുന്ന വാഹനങ്ങളുടെ അടിതട്ടി കേടുപാടികൾ സംഭവിക്കുന്നത് നിത്യസംഭവമായിരിക്കുകയാണ്. ഇരുചക്രവാഹനക്കാർ പലതവണയായി ഇവിടെ അപകടത്തിൽപെടുന്നു. റോഡ് സൈഡിൽ സ്ലാബ് ഉള്ളതിനാൽ കാറുകളുടെ സൈഡ് ഇതിൽ തട്ടി ഉരയുന്നതും സ്ഥിരം കാഴ്ചയാണ്. പ്രസ്തുത റോഡ് നിർമ്മാണത്തിലെ അനാസ്ഥയാണ് ഇത്തരത്തിൽ ജനങ്ങളെ ദുരിതത്തില് ആക്കുന്നത് എന്ന് നാട്ടുകാർ ആരോപിക്കുന്നു.