പുതുപ്പാടി: പുതുപ്പാടി കുടുംബശ്രീ സി.ഡി.എസിന്റെ വാര്ഷികാഘോഷം ‘ആരവം 2023’ സമാപിച്ചു. സമാപന സമ്മേളനം ഗ്രാമപഞ്ചായത്ത് പ്രസിഡന്റ് ബീന തങ്കച്ചന്റെ അദ്ധ്യക്ഷതയിൽ തിരുവമ്പാടി എം.എല്.എ ലിന്റോ ജോസഫ് ഉദ്ഘാടനം ചെയ്തു. മികച്ച എ.ഡി.എസ് ഈങ്ങാപ്പുഴ, മികച്ച അയല്ക്കൂട്ടം ഗാന്ധി, കൂടുതല് സമ്പാദ്യം ഉള്ള അയല്ക്കൂട്ടം ലയനം, ആദ്യം രൂപീകരിച്ച അയല്ക്കൂട്ടം കാരുണ്യ എന്നിവര്ക്കുള്ള ഉപഹാരസമർപ്പണം ചടങ്ങിൽ എം.എല്.എ നിര്വഹിച്ചു. പരിപാടിയിൽ മികച്ച 15 സംരംഭങ്ങളെ ആദരിച്ചു.
ചടങ്ങിൽ സി.ഡി.എസ് ചെയര്പേഴ്സണ് ഷീബ സജി, വൈസ് പ്രസിഡന്റ് ഷംസീര് പോത്താറ്റില്, ബ്ലോക്ക് പഞ്ചായത്ത് സ്റ്റാന്ഡിംഗ് കമ്മിറ്റി അദ്ധ്യക്ഷന് കെ.പി.സുനീര്, ഗ്രാമപഞ്ചായത്ത് സ്റ്റാന്ഡിംഗ് കമ്മിറ്റി അദ്ധ്യക്ഷന്മാരായ ആയിഷബീവി, എം.കെ ജാസില്, ആയിഷക്കുട്ടി സുല്ത്താന്, ബ്ലോക്ക് പഞ്ചായത്ത് അംഗങ്ങളായ കുട്ടിയമ്മ മാണി, ബുഷറ ഷാഫി, ഗ്രാമപഞ്ചായത്ത് അംഗങ്ങളായ അമ്പുഡു ഗഫൂര്, അമല്രാജ്, ഐബി റെജി, ഷംസു കുനിയില്, കെ.ജി ഗീത, സി.ഡി.എസ് മെമ്പര് സെക്രട്ടറി എന് ഭുവനേശ്വരി, കുടുംബശ്രീ ജില്ലാ പ്രോഗ്രാം മാനേജര് പി ബിജേഷ്, സി.ഡി.എസ് വൈസ് ചെയര്പേഴ്സണ് ഗീത ഗോപാലന് തുടങ്ങിയവർ സംസാരിച്ചു.
