കൂടരഞ്ഞി ഹെൽത്ത് സെന്റർ ജൂനിയർ ഹെൽത്ത് ഇൻസ്പെക്ടർ; ജസ്റ്റി ജോസിന്റെ സംസ്കാരം നാളെ

തിരുവമ്പാടി: കഴിഞ്ഞ ദിവസം അന്തരിച്ച കൂടരഞ്ഞി ഹെൽത്ത് സെന്റർ ജൂനിയർ ഹെൽത്ത് ഇൻസ്പെക്ടർ തിരുവമ്പാടി മൂക്കിലിക്കാട്ട് ജസ്റ്റി ജോസിന്റെ (51) സംസ്കാരം നാളെ (23-11-2023-വ്യാഴം) രാവിലെ 10:00-ന് തിരുവമ്പാടിയിലെ വസതിയിൽ നടക്കുന്ന പ്രാർത്ഥനാ ശുശ്രൂഷകൾക്ക് ശേഷം തിരുവമ്പാടി സേക്രഡ് ഹാർട്ട് ഫൊറോനാ പള്ളിയിൽ നടക്കും.
ഇന്ന് (22-11-2023-ബുധൻ) വൈകുന്നേരം 04-ന് കൂടരഞ്ഞി ഹെൽത്ത് സെന്ററിൽ പൊതു ദർശനത്തിന് വെക്കും. വൈകുന്നേരം 05:00-ന് തിരുവമ്പാടിയിലെ ഭവനത്തിലേക്ക് കൊണ്ടുപോകും.
പിതാവ്: റിട്ടയേർഡ് ഹെൽത്ത് ഇൻസ്പെക്ടർ പരേതനായ ജോസഫ്.
മാതാവ്: തിരുവമ്പാടി സേക്രഡ് ഹാർട്ട് ഹൈസ്കൂൾ റിട്ട. ഹിന്ദി അധ്യാപിക ഗ്രേസി.
ഭാര്യ: തിരുവമ്പാടി സേക്രഡ് ഹാർട്ട് ഹയർ സെക്കൻഡറി സ്കൂൾ അധ്യാപിക ജാസ്മിൻ (കോടഞ്ചേരി തകരപ്പള്ളിൽ കുടുംബാംഗം).
മക്കൾ: ഡാമിയൻ, റെൻ.
സഹോദരങ്ങൾ: ഡോ. ബെസ്റ്റി ജോസ്, ട്രസ്റ്റി ജോസ് (യു എസ് എ).