Local
കൂടത്തായി സെൻ്റ് മേരീസ് ഹൈസ്കൂളിൽ എസ്.പി.സി ഓഫീസ് നിർമ്മാണം: എസ്.പി. നിധിൻരാജ് ഐ.പി.എസ് ഉദ്ഘാടനം നിർവഹിച്ചു

കൂടത്തായി: കൂടത്തായിയിലെ സെൻ്റ് മേരീസ് ഹൈസ്ക്കൂളിൽ, സ്കൂൾ മാനേജ്മെൻ്റ് പത്ത് ലക്ഷം രൂപ മുതൽമുടക്കിൽ നിർമ്മിച്ച സ്റ്റുഡന്റ് പോലീസ് ഓഫീസ് (എസ്.പി.സി) കോഴിക്കോട് റൂറൽ എസ്.പി നിധിൻരാജ് ഐ.പി.എസ് ഉദ്ഘാടനം നിർവ്വഹിച്ചു.
എസ്.പി.സി പി.ടി.എ പ്രസിഡണ്ട് സത്താർ പുറായിൽ അധ്യക്ഷത വഹിച്ച ചടങ്ങിൽ സ്കൂൾ മാനേജർ ഫാ. ബിബിൻ ജോസ് മുഖ്യപ്രഭാഷണം നടത്തി.
ചടങ്ങിൽ ഫാ. സിബി പൊൻപാറ (പ്രിൻസിപ്പാൾ), പി.ടി.എ. പ്രസിഡണ്ട് മുജീബ്കെ.കെ, കോടഞ്ചേരി എസ്. എച്ച്. ഒ. പ്രവീൺ കുമാർ, സ്റ്റാഫ് സെക്രട്ടറി സെബാസ്റ്റ്യൻ, എ.ഡി.എൻ ഒ.മാരായ സുനിൽകുമാർ കെ.പി, ഷൈനി വി.എം., എ.എസ്.ഐ. കാസിം, അജേഷ് കെ. ആൻ്റോ, സുമി ഇമ്മാനുവൽ, സുധേഷ് വി. എന്നിവർ പ്രസംഗിച്ചു.
ചടങ്ങിന് സ്കൂൾ ഹെഡ്മാസ്റ്റർ തോമസ് അഗസ്റ്റ്യൻ സ്വാഗതവും, സി.പി.ഒ. റെജി ജെ. കരോട്ട് നന്ദിയും പറഞ്ഞു.