സസ്പെൻഷനിലായ അധ്യാപകൻ കള്ളനോട്ടുകളുമായി പിടിയിൽ; 17.38 ലക്ഷം രൂപയുടെ കള്ളനോട്ടുകൾ കണ്ടെത്തി

താമരശ്ശേരി : താമരശ്ശേരിയിലെ സസ്പെൻഷനിലായിരുന്ന യു.പി സ്‌കൂൾ അധ്യാപകൻ കള്ളനോട്ടുകളുമായി പൊലീസ് പിടികൂടി. ഈങ്ങാപ്പുഴ കുഞ്ഞുകുളം സ്വദേശിയായ ഹിഷാമിന്റെ വീട്ടിൽ നടത്തിയ പരിശോധനയിലാണ് 17.38 ലക്ഷം രൂപയുടെ കള്ളനോട്ടുകൾ കണ്ടെടുത്തത്.

മുമ്പ് സമാനമായ കള്ളനോട്ട് കേസിൽ അറസ്റ്റിലായിരുന്ന ഹാഷിം ഒരു മാസം മുൻപാണ് ജാമ്യത്തിൽ പുറത്തിറങ്ങിയത്. തുടർന്ന്, ഈ കേസുമായി ബന്ധപ്പെട്ട് സസ്പെൻഷനിൽ പോയ ഹാഷിമിനെതിരെ വേറൊരു രഹസ്യവിവരത്തിന്റെ അടിസ്ഥാനത്തിൽ പൊലീസ് അന്വേഷണം ആരംഭിച്ചിരുന്നു. വയനാട് ലോക്സഭാ തിരഞ്ഞെടുപ്പുമായി ബന്ധപ്പെട്ട പരിശോധനക്കിടെയായാണ് ഇയാളുടെ വീട്ടിൽ പൊലീസ് റെയ്ഡ് നടത്തിയത്.