കാരശ്ശേരി: കോഴിക്കോട് ജില്ലാ പഞ്ചായത്ത് കാരശ്ശേരി ഡിവിഷൻ മെമ്പർ മിസ്ഹബ് കീഴരിയൂരിന്റെ നേതൃത്വത്തിൽ ഡിവിഷനിലെ പ്രതിഭകളെ ആദരിക്കുന്നു. വിവിധ പദ്ധതികളുടെ ഭാഗമായി എൽ.എസ്.എസ് (LSS), യു.എസ്.എസ് (USS), എൻ.എം.എം.എസ് (NMMS), എസ്.എസ്.എൽ.സി (SSLC) പരീക്ഷകളിൽ മികച്ച വിജയം കൈവരിച്ച വിദ്യാർത്ഥികൾക്കായി സംഘടിപ്പിക്കുന്ന ‘സ്നേഹാദരം’ അനുമോദന ചടങ്ങ് നാളെ നടക്കും.ജൂൺ 21 ഞായറാഴ്ച വൈകുന്നേരം 3 മണിക്ക് ഹൈവേ റെസിഡൻസി കാരശ്ശേരി ഓഡിറ്റോറിയത്തിൽ വെച്ചാണ് പരിപാടി ക്രമീകരിച്ചിരിക്കുന്നത്.
തിരുവമ്പാടി നിയോജകമണ്ഡലം എം.എൽ.എ സി.കെ. കാസിം ചടങ്ങിന്റെ ഉദ്ഘാടനം നിർവ്വഹിക്കും.വിദ്യാർത്ഥികളെ ആദരിക്കുന്നതിനൊപ്പം കാരശ്ശേരി ഡിവിഷനിൽ നടപ്പിലാക്കാൻ ഉദ്ദേശിക്കുന്ന പ്രയോജനകരമായ നിരവധി നൂതന പ്രത്യേക പദ്ധതികളുടെ ഔദ്യോഗിക സമാരംഭവും ഈ ചടങ്ങിൽ വെച്ച് നടക്കും.ചടങ്ങിൽ വിവിധ ജനപ്രതിനിധികൾ, സാമൂഹിക-സാംസ്കാരിക രംഗത്തെ പ്രമുഖർ, രാഷ്ട്രീയ നേതാക്കൾ തുടങ്ങിയവർ പങ്കെടുക്കുമെന്ന് ഭാരവാഹികൾ അറിയിച്ചു.
