നെല്ലിപ്പൊയിൽ: താമരശ്ശേരി ഉപജില്ല ശാസ്ത്ര–ഐ.ടി മേളകളിൽ മഞ്ഞുവയൽ വിമല യു.പി സ്കൂൾ ഓവറോൾ കിരീടം നേടി. സാമൂഹ്യശാസ്ത്ര, ഗണിതശാസ്ത്ര, പ്രവൃത്തിപരിചയ മേളകളിലും സ്കൂൾ മികച്ച പ്രകടനം കാഴ്ചവച്ചു.
വിദ്യാർത്ഥികളുടെ മികച്ച പ്രകടനവും അധ്യാപകരുടെ കൃത്യമായ പരിശീലനവും കൂട്ടായ പരിശ്രമവുമാണ് വിജയത്തിന് വഴിയൊരുക്കിയത്. വിജയികളായ വിദ്യാർത്ഥികളെയും അധ്യാപകരെയും മാനേജ്‌മെന്റും പി.ടി.എയും അനുമോദിച്ചു.
സ്കൂൾ മാനേജർ റവ. ഫാ. ജെയിംസ് വള്ളിക്കുന്നേൽ അനുമോദന യോഗം ഉദ്ഘാടനം ചെയ്തു. പി.ടി.എ പ്രസിഡന്റ് ജിനേഷ് കുര്യൻ, പ്രധാനാധ്യാപകൻ ജിബിൻ പോൾ എന്നിവർ സംസാരിച്ചു. അധ്യാപകരായ സി. ജിജി ജോർജ്, അനുപമ ജോസഫ്, അഖില ബെന്നി, ഷെബീർ കെ.പി. എന്നിവർ പരിപാടികൾക്ക് നേതൃത്വം നൽകി.
