Thiruvambady
കാളിയാമ്പുഴ പാലത്തിന് സമീപം അപകടഭീഷണി ഉയർത്തി ഇടിഞ്ഞ റോഡ്
തിരുവമ്പാടി: തിരുവമ്പാടി-പുല്ലൂരാംപാറ റോഡിൽ കാളിയാമ്പുഴ പാലത്തിന് സമീപം റോഡ് ഇടിഞ്ഞ് അപകടഭീഷണി തുടരുന്നു. നിത്യേന നൂറുകണക്കിന് വാഹനങ്ങൾ ആശ്രയിക്കുന്ന റോഡിൽ ഇടിഞ് ഞഭാഗത്ത് താത്കാലികമായി ടാറിങ് വീപ്പവെച്ച് വാഹനയാത്രക്കാർക്ക് മുന്നറിയിപ്പ് നൽകിയിട്ടുണ്ടെങ്കിലും ഭീഷണി നിലനിൽക്കുകയാണ്.
കിഫ്ബി ധനസഹായത്തോടെ നവീകരിക്കുന്ന തിരുവമ്പാടി-പുല്ലൂരാംപാറ-എടത്തറ-മറിപ്പുഴ റോഡ് കടന്നുപോകുന്ന ഭാഗമാണിത്. 108.314 കോടി രൂപ അടങ്കൽതുകയുള്ള പദ്ധതിയുടെ ടെൻഡർ നടപടി പൂർത്തിയായെങ്കിലും നിർമാണപ്രവൃത്തികൾ ആരംഭിച്ചിട്ടില്ല. റോഡ് നവീകരണത്തിനുള്ള അനുമതിയായ സാഹചര്യത്തിൽ കാളിയാമ്പുഴയിലെ പ്രവൃത്തി ഏതാണ് വേഗം നടത്തി അപകടഭീഷണി ഉടൻ പരിഹരിക്കണമെന്ന് നാട്ടുകാർ ആവശ്യപ്പെട്ടു.