കോടഞ്ചേരി: പഞ്ചായത്തിന്റെ പഞ്ചായത്ത് തല സ്കൂൾ പ്രവേശനോത്സവം വേളങ്കോട് സെന്റ് ജോർജ്സ് ഹൈസ്കൂളിൽ വെച്ച് നടത്തി. വർണ്ണാഭമായ ചടങ്ങിൽ സ്കൂളിലെ എൻ സി സി, സ്കൗട്ട്, ഗൈഡ്, കബ്, ബുൾ ബുൾ, ലിറ്റിൽ കൈറ്റ്സ്, സ്കൂൾ ബാൻഡ് എന്നീ വിഭാഗങ്ങളുടെ പങ്കാളിത്തം ഉണ്ടായിരുന്നു.
പിടിഎ പ്രസിഡന്റ് ഷിജി ആന്റണി അധ്യക്ഷത വഹിച്ച ചടങ്ങിൽ സ്കൂൾ ഹെഡ്മിസ്ട്രസ് സോഫിയ ജേക്കബ് സ്വാഗതം ആശംസിച്ചു. കോടഞ്ചേരി ഗ്രാമപഞ്ചായത്ത് പ്രസിഡന്റ് അലക്സ് തോമസ് ചെമ്പകശ്ശേരി ചടങ്ങിന്റെ ഔദ്യോഗിക ഉദ്ഘാടനം നടത്തി. കോടഞ്ചേരി ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സിബി ചിരണ്ടായത്ത് മുഖ്യപ്രഭാഷണം നടത്തി.
വാർഡ് മെമ്പർ ബിന്ദു ജോർജ്, എം പി ടി എ പ്രസിഡന്റ് ഷംന, എം പി ടി എ വൈസ്പ്രസിഡന്റ് എൽസി ജോബി, ബിആർസി പ്രതിനിധി ലിൻസി എൻ.കെ, ഹയർ സെക്കൻഡറി പ്രിൻസിപ്പാൾ ബിബിൻ സെബാസ്റ്റ്യൻ, വിദ്യാർത്ഥി പ്രതിനിധി ഹൃദ്യ ഹന്ന രഞ്ജിത്ത് എന്നിവർ സംസാരിച്ചു. ചടങ്ങിൽ എൽ.എസ്. എസ്, യു.എസ്.എസ്, എസ്എസ്എൽസി ഫുൾ എ പ്ലസ് വിജയികളെ മെമന്റോ നൽകി ആദരിച്ചു.ചടങ്ങിനോട് അനുബന്ധിച്ച് സിയ റോസിന്റെ ഗാനവും യുപി വിഭാഗം കുട്ടികളുടെ നൃത്ത വിസ്മയവും ഉണ്ടായിരുന്നു. പ്രവേശനോത്സവത്തോടനുബന്ധിച്ച് കോടഞ്ചേരി പഞ്ചായത്തിന്റെ രാസാലഹരികൾക്കെതിരെയുള്ള പോരാട്ടവീര്യത്തിന് പുത്തനുണർവേകാൻ ‘ അഖിലിന്റെ സൂത്രവാക്യം’ എന്ന ഷോർട്ട് ഫിലിം പ്രദർശനവും നടന്നു. കുട്ടികൾക്ക് മധുര പലഹാര വിതരണം നടത്തി. ചടങ്ങിന് സ്റ്റാഫ് സെക്രട്ടറി സിസ്റ്റർ വചന എസ്ഐസി നന്ദി പ്രകാശിപ്പിച്ചു.
