മുക്കം: തിരുവമ്പാടി എം എൽ എ ലിന്റോ ജോസഫും, കട്ടാങ്ങൽ സ്വദേശിനി അനുഷയും തമ്മിലുള്ള വിവാഹം മാമ്പറ്റ കാർത്തിക കല്യാണ മണ്ഡപത്തിൽ രാവിലെ 11 മണിയോടെ നടന്നു. ആചാര അനുഷ്ഠാനങ്ങൾ ഇല്ലാതെ ലളിതമായ പാർട്ടി ചടങ്ങുകളോടെയായിരുന്നു വിവാഹം നടന്നത്.
സി.പി.ഐ.എം ജില്ലാ സെക്രട്ടറിയേറ്റ് അംഗം ജോർജ് എം തോമസ്, ജില്ലാ കമ്മിറ്റി ഭാരവാഹിയായ രമേശ് ബാബു, ഏരിയ സെക്രട്ടറി ടി വിശ്വനാഥൻ എന്നിവരുടെ നേതൃത്വത്തിൽ നടന്ന വിവാഹചടങ്ങിൽ. എം.എൽ.എമാരായ ശാന്തകുമാരി, ഒ ആർ കേളു, തോട്ടത്തിൽ രവീന്ദ്രൻ, കെ വി സുമേഷ്, സച്ചിൻദേവ്, തിരുവനന്തപുരം കോർപ്പറേഷൻ മേയർ ആര്യ രാജേന്ദ്രൻ, എൽ ജെ ഡി സംസ്ഥാന പ്രസിഡൻറ് പി കുഞ്ഞാലി, മുൻ കെപിസിസി സെക്രട്ടറി എം കെ അബ്ദുറഹ്മാൻ തുടങ്ങിയ പ്രമുഖർ ചടങ്ങിൽ പങ്കെടുത്തു.
വിവാഹ ജീവിതത്തിലേക്ക് കടക്കുന്ന തിരുവമ്പാടിയുടെ പ്രിയപ്പെട്ട എം എൽ എ ലിന്റോ ജോസഫിനും അനുഷക്കും തിരുവമ്പാടി ന്യൂസിന്റെ എല്ലാവിധ സ്നേഹാശംസകളും നേരുന്നു.
