Kodiyathur

കൊടിയത്തൂരിൽ ഹോമിയോ ആശുപത്രിക്കും ഓട്ടിസം സെൻ്ററിനും ചുറ്റുമതിൽ നിർമ്മാണം പൂർത്തിയാക്കി

കൊടിയത്തൂർ: കൊടിയത്തൂർ ഗ്രാമപഞ്ചായത്തിലെ പന്നിക്കോട് സ്ഥിതി ചെയ്യുന്ന സർക്കാർ ഹോമിയോ ആശുപത്രിക്കും ഓട്ടിസം സെൻ്ററിനും 2022- 23 വാർഷിക പദ്ധതിയിൽ ഉൾപ്പെടുത്തി 3 ലക്ഷം രൂപ ചിലവഴിച്ച് നിർമ്മിച്ച ചുറ്റുമതിൽ പൂർത്തിയായി. ഓട്ടിസം സെൻ്ററിൻ്റെയും ഹോമിയോ ആശുപത്രിയുടേയും മുറ്റം ഇൻറർലോക്ക് ചെയ്യൽ, കുടിവെള്ളത്തിനായി കിണർ, ആധുനിക രീതിയിലുള്ള ശൗചാലയങ്ങൾ എന്നിവയും ഗ്രാമപഞ്ചായത്ത് ഫണ്ടുപയോഗിച്ച് നേരത്തെ യാഥാർത്ഥ്യമാക്കിയിരുന്നു.

പമ്പ് സെറ്റ് ഉൾപ്പെടെയുള്ളവ ആശുപത്രി വികസന ഫണ്ടുപയോഗിച്ചും യാഥാർത്ഥ്യമാക്കി.ചുറ്റുമതിലിൻ്റെ ഉദ്ഘാടനം ഗ്രാമപഞ്ചായത്ത് പ്രസിഡൻ്റ് ഷംലൂലത്ത് നിർവഹിച്ചു. വൈസ് പ്രസിഡൻ്റ് ഷിഹാബ് മാട്ടുമുറി അധ്യക്ഷത വഹിച്ച ചടങ്ങിൽ സ്റ്റാൻ്റിംഗ് കമ്മറ്റി അധ്യക്ഷരായ എം.ടി റിയാസ്, ആയിഷ ചേലപ്പുറത്ത്, ഹോമിയോ മെഡിക്കൽ ഓഫീസർ ഗീത, പി.അബ്ദു, നജീബ് ചാലിക്കുളം, യു.പി നിസാർ, മാധവൻ കുളങ്ങര തുടങ്ങിയവർ പങ്കെടുത്തു

Related Articles

Leave a Reply

Back to top button