Kodanchery
കോടഞ്ചേരി- ഈരൂട്- അമ്പായത്തോട് റോഡിന്റെ സർവ്വേ ആരംഭിച്ചു

കോടഞ്ചേരി : ദേശീയപാതയിൽ നിന്ന് കോടഞ്ചേരിയിലേക്ക് കുറഞ്ഞ ദൂരമുള്ള അമ്പായത്തോട് -ഈരൂട്- കോടഞ്ചേരി റോഡിന്റെ ഇൻവെസ്റ്റിഗേഷൻ ആരംഭിച്ചു. 12 മീറ്റർ വീതിയിലാണ് നിർദിഷ്ട പാതയ്ക്ക് ഇൻവെസ്റ്റിഗേഷൻ നടത്തുന്നത്. കൊല്ലം ആസ്ഥാനമായുള്ള ഗ്രീഷ്മ എന്ന കമ്പനിയാണ് സർവ്വേ നടപടികൾ നടത്തുന്നത്.
ഇതോടൊപ്പം നേരത്തെ ഇൻവെസ്റ്റിഗേഷൻ പൂർത്തീകരിച്ച ഈരൂട് പാലത്തിന്റെ പരിഷ്കരിച്ച ഇൻവെസ്റ്റിഗേഷനും നടത്തുന്നുണ്ട്. സർവ്വേ പ്രവർത്തനങ്ങൾക്ക് ശേഷം അനുയോജ്യമായ പദ്ധതികളിൽ ഉൾപ്പെടുത്തി റോഡ് യാഥാർത്ഥ്യമാക്കുമെന്ന് ലിന്റോ ജോസഫ് എം.എൽ.എ അറിയിച്ചു.