കൂടരഞ്ഞി : കൂടരഞ്ഞി ഗ്രാമപഞ്ചായത്ത് കർഷക ദിനം ആചരിച്ചു. പരിപാടി ഗ്രാമപഞ്ചായത്ത് പ്രസിഡന്റ് ആദർശ് ജോസഫ് ഉദ്ഘാടനം ചെയ്തു. പഞ്ചായത്ത് പരിധിയിലെ കർഷകരെ ചടങ്ങിൽ ആദരിച്ചു. ഗ്രാമപഞ്ചായത്ത് വികസന സ്റ്റാന്റിംഗ് കമ്മിറ്റി ചെയർമാൻ ജോസ് തോമസ് മാവറ അധ്യക്ഷത വഹിച്ചു. ജില്ലാ പഞ്ചായത്ത് വികസന സ്റ്റാന്റിംഗ് കമ്മിറ്റി ചെയർപേഴ്സൺ വി.പി ജമീല മുഖ്യാതിഥിയായി. കാർഷിക മേഖലകളിൽ നിന്നുള്ള പതിമൂന്ന് കർഷകരെ ചടങ്ങിൽ പൊന്നാടയണിയിച്ച് ആദരിച്ചു. കാർഷിക ലോൺ സംബന്ധിച്ച് എസ് ബി ഐ കോഴിക്കോട് റീജിയണൽ മാനേജർ ധന്യ സദാനന്ദൻ കർഷകർക്ക് വിവരണം നൽകി.
ഗ്രാമപഞ്ചായത്ത് സ്റ്റാന്റിംഗ് കമ്മിറ്റി അധ്യക്ഷന്മാരായ വി.എസ് രവീന്ദ്രൻ, റോസിലി ജോസ്, വാർഡ് മെമ്പർമാരായ മോളി തോമസ്, വാതല്ലൂർ ജോണി, വാളിപ്ലാക്കൽ ബോബി, ഷിബു, എൽസമ്മ ജോർജ്ജ്, ജറീന റോയ്, സീന ബിജു, ബിന്ദു ജയൻ, സുരേഷ് ബാബു, മുട്ടോളി കേരള ബാങ്ക് പ്രസിഡന്റ് പി.എം തോമസ്, ആസൂത്രണ സമിതി ഉപാധ്യക്ഷൻ ജിജി കട്ടക്കയം, കാർഷിക വികസന സമിതി അംഗങ്ങളായ കെ.എം അബ്ദുറഹിമാൻ, ഷൈജു കോയിനിലം, രാഷ്ട്രീയ പാർട്ടി പ്രതിനിധികൾ തുടങ്ങിയവർ സംസാരിച്ചു. കൃഷി ഓഫീസർ പി.എം മൊഹമ്മദ് സ്വാഗതവും കാർഷിക വികസന സമിതി അംഗം പയസ് ജോസഫ് തീയാട്ടുപറമ്പിൽ നന്ദിയും പറഞ്ഞു.
