കാരശ്ശേരി: കേരള സർക്കാറിന്റെയും വ്യവസായ വാണിജ്യ വകുപ്പിന്റെയും നേതൃത്വത്തിൽ കാരശ്ശേരി ഗ്രാമ പഞ്ചായത്തിൽ സംരംഭകത്വ ശിൽപശാല സംഘടിപ്പിച്ചു. പഞ്ചായത്ത് ഹാളിൽ നടന്ന പരിപാടി ഗ്രാമപഞ്ചായത്ത് പ്രസിഡന്റ് വി.പി സ്മിത ഉദ്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് ജംഷിദ് ഒളകര അധ്യക്ഷത വഹിച്ച ചടങ്ങിൽ ഗ്രാമപഞ്ചായത്ത് അംഗങ്ങളായ ആമിന, കെ.പി ഷാജി,അഷ്റഫ്, കുഞ്ഞാലി, സുനിത രാജൻ, റുഖിയ റഹീം, ശ്രുതി തുടങ്ങിയവർ സംസാരിച്ചു.
വ്യവസായ വികസന ഓഫീസർ വിപിൻ ദാസ് സംരംഭകത്വ പ്രാധാന്യം, സ്വയം തൊഴിൽ വായ്പ ലഭിക്കാനുള്ള നടപടിക്രമങ്ങൾ, വിവിധ തരം സർക്കാർ പദ്ധതികൾ ആനു കൂല്യങ്ങൾ, ലൈസൻസ് നടപടിക്രമങ്ങൾ മുതലായ വിഷയങ്ങളിൽ സമഗ്രമായ ക്ലാസ് നൽകി. ഫിനാഷ്യൽ ലിറ്റെറസിയെക്കുറിച്ച് കുന്നമംഗലം എഫ്.എൽ.സി ഷില്പ ക്ലാസ്സെടുത്തു.
