വോട്ടഭ്യർഥനാ പര്യടനത്തിൽ അൽഫോൺസ് കണ്ണന്താനം: തിരുവമ്പാടിയിലെ വിവിധ സ്ഥാപനങ്ങളും വ്യക്തികളുമായി നേരിൽ ആശയവിനിമയം നടത്തി
തിരുവമ്പാടി: തിരുവമ്പാടി മണ്ഡലത്തിലെ വിവിധ പ്രമുഖ സ്ഥാപനങ്ങളും വ്യക്തികളെയും സന്ദർശിച്ച്
മുൻ കേന്ദ്രമന്ത്രിയും ബിജെപി നേതാവുമായ അൽഫോൺസ് കണ്ണന്താനം.
വയനാട് പാർലമെൻറ് മണ്ഡലത്തിലെ എൻഡിഎ സ്ഥാനാർഥി നവ്യ ഹരിദാസിൻ്റെ തെരഞ്ഞെടുപ്പ്പ്രചരണാർത്ഥമാണ് സന്ദർശനം.
തിരുവമ്പാടി ഫെറോന ചർച്ച് വികാരി ഫാദർ തോമസ് നാഗപറമ്പിൽ, അൽഫോൻസാ കോളേജ് പ്രിൻസിപ്പാളും സീറോ മലബാർ സഭ വക്താവുമായ ഡോക്ടർ ചാക്കോ കാളാംപറമ്പിൽ, കോടഞ്ചേരി പള്ളി വികാരി ഫാദർ കുര്യാക്കോസ് ഐകുളമ്പിൽ, നെല്ലിപ്പൊയിൽ പള്ളി വികാരി ഫാദർ അനൂപ് തോമസ്, ചെമ്പ്കടവ് പള്ളി വികാരി എന്നിവരെ സന്ദർശിച്ചു.
കൂടാതെ തെയ്യപ്പാറയിലെ ബിജെപി ബൂത്ത് കമ്മിറ്റി സംഘടിപ്പിച്ച കുടുംബ സംഗമത്തിൽ അൽഫോൺസ് കണ്ണന്താനം പങ്കെടുത്ത് സംസാരിച്ചു. കുടുംബ സംഗമത്തിൽ ബിജെപി സംസ്ഥാന സമിതി അംഗം ഗിരീഷ് തേവള്ളി, ഉത്തരമേഖല പ്രസിഡൻറ് എൻ പി രാമദാസ്, ന്യൂനപക്ഷ മോർച്ച ജില്ലാ പ്രസിഡൻറ് ഷെയ്ക്ക് ഷാഹിദ്, ജില്ലാ ജനറൽ സെക്രട്ടറി സജീവ് ജോസഫ്, ടി എ നാരായണൻ മാസ്റ്റർ, ടി ശ്രീനിവാസൻ, സവിൻ കുമാർ, കെ പി രമേഷ്, മാത്യു പടവിൽ, ജയൻ എ ആർ എന്നിവരും പങ്കെടുത്തു.
