കോടഞ്ചേരി: ക്രിസ്മസിന്റെ സന്തോഷത്തെ മുന്നേറിക്കൊണ്ട്, കോടഞ്ചേരി ടൗണിന്റെ ഹൃദയഭാഗത്ത് കത്തോലിക്ക കോൺഗ്രസ് കോടഞ്ചേരി യൂണിറ്റ് വലിയ നക്ഷത്രം തെളിയിച്ചു. നക്ഷത്രത്തിന്റെ സ്വിച്ച് ഓൺ കർമ്മം ഇടവക വികാരിയും കത്തോലിക്ക കോൺഗ്രസ് ഫൊറോന ഡയറക്ടറുമായ ഫാ. കുര്യാക്കോസ് ഐക്കൊളമ്പിൽ നിർവഹിച്ചു.
ആവേശകരമായ ഈ ചടങ്ങിൽ കത്തോലിക്കാ കോൺഗ്രസ് താമരശ്ശേരി ഡയറക്ടർ ഫാ. സബിൻ തുമുള്ളിൽ, രൂപത പ്രസിഡന്റ് ഡോ. ചാക്കോ കാളംപറമ്പിൽ, യൂണിറ്റ് പ്രസിഡന്റ് ഷാജു കരിമഠത്തിൽ, അസിസ്റ്റന്റ് വികാരി ഫാ. ജിജോ മേലാട്ട്, രൂപത ട്രഷറർ സജി കരോട്ട്, യൂണിറ്റ് ഭാരവാഹികളായ ഷില്ലി സെബാസ്റ്റ്യൻ, ബിപിൻ കുന്നത്ത്, ഷിജി അവനൂർ എന്നിവർ പങ്കെടുത്തു.
കെസിവൈഎം യുവജനങ്ങളുടെ കലാപരിപാടിയായ ഡാൻസിന്റെ അകമ്പടിയോടെ നടന്ന ചടങ്ങിന് ശ്രദ്ധേയമായ ആവേശം നിറഞ്ഞു. പരിപാടിയിൽ പങ്കെടുത്ത എല്ലാവർക്കും മധുരപലഹാരം വിതരണം ചെയ്തു.
