ഫോണിലൂടെ വ്യക്തിഹത്യ നടത്തിയ ആള്‍ക്കെതിരെ പോലീസ് കേസെടുത്തു
കോടഞ്ചേരി: ഫോണിലൂടെ അപവാദ പ്രചരണം നടത്തിയ ആള്‍ക്കെതിരെ പോലീസ് കേസെടുത്തു. കോടഞ്ചേരി സ്വദേശി സണ്ണി ഉഴുന്നാലിനെതിരെയാണ് കേടഞ്ചേരി പോലീസ് കേസെടുത്തത്.
കേരള വ്യാപാരി വ്യവസായി ഏകോപന സമിതി സെന്‍ട്രല്‍ കമ്മിറ്റി ട്രഷറര്‍, കോടഞ്ചേരി കെഎച്ച് ക്ലബ് പ്രസിഡന്‍റ് എന്നീ നിലകളില്‍ പ്രവര്‍ത്തിക്കുന്ന സി.ജെ.ടെന്നിസനെതിരേയും പ്രസ്ഥാനങ്ങള്‍ക്കെതിരേയും അപമാനകരവും വ്യക്തിഹത്യ നടത്തുന്ന വിധത്തിലും നിരവധി ശബ്ദ സന്ദേശങ്ങള്‍ അയച്ചതിനെതിരെയാണ് കേസ് രജിസ്റ്റര്‍ ചെയ്തത്. താമരശേരി ജുഡീഷല്‍ മജിസ്‌ട്രേട്ടിന്‍റെ നിര്‍ദ്ദേശ പ്രകാരമാണ് കേസെടുത്തത്
ഒരു വര്‍ഷവും മൂന്ന് മാസവും തടവും പിഴയും ലഭിക്കാവുന്ന കുറ്റമാണ് ഇയാള്‍ക്കെതിരേ ചുമത്തിയിട്ടുള്ളത്. മെസേജുകള്‍ അയച്ച ഫോണ്‍ പോലീസിന് കണ്ടെത്താനായില്ല. ഫോണ്‍ കണ്ടെത്തുന്നതിനായി പോലീസ് അന്വേഷണം ശക്തമാക്കിയിട്ടുണ്ട്.
അപകീര്‍ത്തികരമായി മനപ്പൂര്‍വ്വം മറ്റ് ഫോണുകളിലേയ്ക്കും ഗ്രൂപ്പുകളിലേയ്ക്കും മെസേജുകള്‍ അയച്ച് പ്രചരിപ്പിച്ചവര്‍ക്കെതിരെയും ഐടി ആക്ട് അനുസരിച്ച് കേസ് രജിസ്റ്റര്‍ ചെയ്ത് അന്വേഷിക്കുന്നതിനുള്ള നിയമ നടപടികള്‍ സ്വീകരിക്കാനൊരുങ്ങുകയാണ് വാദി ഭാഗം. എ.ടി.രാജു വാദി ഭാഗത്തിനായി കോടതിയില്‍ ഹജരായി
