മുക്കം: മാമ്പറ്റ ഡോൺ ബോസ്കോ കോളേജ് ഹയർസെക്കൻഡറി വിദ്യാർഥികൾക്കായി ബോസ്കോ കപ്പ് ഫുട്ബോൾ ടൂർണമെന്റ് സംഘടിപ്പിച്ചു. നന്ദിനി മിൽക്ക് പ്രോഡക്റ്റ് പ്രൈസ് മണിക്കും കൊയിലാട്ട് ജ്വല്ലറി എവറോളിംഗ് ട്രോഫിക്കും വേണ്ടിയുള്ള മത്സരം ജില്ലയിലെ വിവിധ ഹയർസെക്കൻഡറി സ്കൂളുകളുടെ പങ്കാളിത്തത്തോടെ ശ്രദ്ധേയമായി.
ഫുട്ബോൾ ടൂർണമെന്റിന്റെ ഉദ്ഘാടനം കോളേജ് മാനേജർ ഫാ. മാർട്ടിൻ അഗസ്റ്റിൻ നിർവഹിച്ചു. മാവൂർ ഗവൺമെന്റ് ഹയർസെക്കൻഡറി സ്കൂൾ ഒന്നാം സ്ഥാനവും കോടഞ്ചേരി സെന്റ് ജോസഫ് ഹയർസെക്കൻഡറി സ്കൂൾ രണ്ടാം സ്ഥാനവും നേടി. വിജയികൾക്കുള്ള ട്രോഫികൾ കോളേജ് പ്രിൻസിപ്പാൾ ഡോ. ജോബി എം. എബ്രഹാം വിതരണം ചെയ്തു.
മത്സരങ്ങൾക്ക് ലിജു ജോസഫ്, അലക്സ് തോമസ്, രബിത്ത് ബി. കെ എന്നിവർ നേതൃത്വത്തം നൽകി
