തിരുവമ്പാടി കുടുംബാരോഗ്യ കേന്ദ്രത്തിൽ ജനകീയ പച്ചത്തുരുത്ത്: പ്രകൃതി സൗഹൃദത്തിനായി ഏകോപിത ശ്രമം
തിരുവമ്പാടി: തിരുവമ്പാടി കുടുംബാരോഗ്യ കേന്ദ്രത്തിൽ ഹരിത കേരള മിഷന്റെയും തിരുവമ്പാടി ഗ്രാമപഞ്ചായത്തിന്റെയും സംയുക്താഭിമുഖ്യത്തിൽ ജനകീയ പങ്കാളിത്തത്തോടെ പ്രകൃതി സൗഹൃദ പച്ചത്തുരുത്ത് നിർമ്മിച്ചു. ‘അതിജീവനത്തിനായി ചെറുവനങ്ങൾ’ എന്ന ലക്ഷ്യത്തോടെ നടപ്പാക്കിയ പദ്ധതിയുടെ ഉദ്ഘാടനം ഗ്രാമപഞ്ചായത്ത് പ്രസിഡണ്ട് ബിന്ദു ജോൺസൺ നിർവഹിച്ചു.
പച്ചത്തുരുത്ത് നിർമ്മാണ ചടങ്ങിൽ മെഡിക്കൽ ഓഫീസർ ഡോ. കെ. വി. പ്രിയ സ്വാഗതം പറഞ്ഞു. വൈസ് പ്രസിഡന്റ് കെ. എ. അബ്ദുറഹിമാൻ അധ്യക്ഷത വഹിച്ചു. നവകേരളം മിഷൻ ജില്ലാ കോർഡിനേറ്റർ പി. ടി. പ്രസാദ് പദ്ധതിയുടെ വിശദീകരണം നടത്തി. സ്റ്റാൻഡിംഗ് കമ്മിറ്റി അംഗങ്ങളായ ലിസി എബ്രഹാം, രാജു അമ്പലത്തിങ്ങൽ, റംല ചോലക്കൽ, വാർഡ് മെമ്പർമാരായ കെ. എ. മുഹമ്മദലി, ജോസ് മാത്യു (ബാങ്ക് പ്രസിഡന്റ്), ഡോ. സീമ (ഹോമിയോ മെഡിക്കൽ ഓഫീസർ), പ്രീതി രാജീവ് (സിഡിഎസ് ചെയർപേഴ്സൺ) തുടങ്ങിയവരും ഹരിത കേരള മിഷൻ റിസോഴ്സ് പേഴ്സൺ അഷ്റഫ് ടി. എ, ബൈജു തോമസ്, ഹെൽത്ത് ഇൻസ്‌പെക്ടർ എം. സുനീർ തുടങ്ങിയവരും പങ്കെടുത്തു.
പ്രദേശത്തെ രാഷ്ട്രീയ പാർട്ടികൾ, ക്ലബ്ബുകൾ, വായനശാലകൾ, വിദ്യാലയങ്ങൾ, തൊഴിൽ ഉറപ്പ് തൊഴിലാളികൾ, സന്നദ്ധ സംഘടനകൾ, ആശാ പ്രവർത്തകർ, കുടുംബശ്രീ അംഗങ്ങൾ, കലാകാരന്മാർ തുടങ്ങിയവരുടെ പങ്കാളിത്തം ചടങ്ങിന് പുതുമയും ഉത്സവാന്തരീക്ഷവും നൽകുകയും ചെയ്തു. തൈകൾ നട്ടുകൊണ്ട് പച്ചത്തുരുത്തിന്റെ നിർമ്മാണം പ്രകൃതി സൗഹൃദം മെച്ചപ്പെടുത്തുന്നതിന് വലിയൊരു പടിയായി.
