Thiruvambady

താമരശ്ശേരി രൂപതയുടെ സിഒഡിയുടെ ജനക്ഷേമ പ്രവർത്തനങ്ങൾ മാതൃകാപരം: പിഎസ് ശ്രീധരൻപിള്ള

തിരുവമ്പാടി: താമരശ്ശേരി രൂപതയുടെ സോഷ്യൽ സർവീസ് സൊസൈറ്റിയായ സിഒഡി (സോഷ്യൽ ഓർഗനൈസേഷൻ ഡെവലപ്മെന്റ്) നടത്തുന്ന ജനക്ഷേമ പ്രവർത്തനങ്ങൾ മാതൃകാപരമെന്ന് ഗോവ ഗവർണർ പിഎസ് ശ്രീധരൻപിള്ള.

സിഒഡിയുടെ 35-ാമത് വാർഷികാഘോഷം തിരുവമ്പാടി പാരീഷ് ഹാളിൽ ഉദ്ഘാടനം ചെയ്യുകയായിരുന്നു അദ്ദേഹം. വിവിധ ജാതി-മതസ്ഥരുടെ സമഗ്രവികസനത്തിന് സിഒഡിയും താമരശ്ശേരി രൂപതയും നൽകിയ സംഭാവനകൾ നിസ്തുലമാണെന്നും അദ്ദേഹം പറഞ്ഞു. ക്രിസ്തു പകർന്നുനൽകിയ കരുണയുടെ സന്ദേശം സിഒഡി പ്രവർത്തനങ്ങളിലൂടെ സമൂഹത്തിൽ എത്തിക്കുന്നുവെന്ന് ഗവർണർ അഭിപ്രായപ്പെട്ടു.

വാർഷികാഘോഷ പരിപാടികൾക്ക് താമരശ്ശേരി രൂപത ബിഷപ്പും സിഒഡിയുടെ രക്ഷാധികാരിയുമായ മാർ റെമീജിയോസ് ഇഞ്ചനാനിയിൽ അധ്യക്ഷത വഹിച്ചു. ഫാ. അബ്രാഹം പുളിഞ്ചുവട്ടിലിന്റെ അഗ്രികൾച്ചറൽ റിസർച്ച് തീസിസ് ഗവർണർ പ്രകാശനം ചെയ്തു.

സിഒഡിയുടെ അനുബന്ധ സ്ഥാപനങ്ങളായ ഇൻസ്റ്റിറ്റ്യൂട്ട് ഓഫ് ഫുഡ് ആൻഡ് അഗ്രികൾച്ചറൽ എത്തിക്സ് (ഇഫ) മാളവ്യവും താമരശ്ശേരി അഗ്രികൾച്ചറൽ ഫാർമേഴ്‌സ് കോ-ഓപ്പറേറ്റീവ് സൊസൈറ്റിയുടെ (ടാഫ്‌കോസ്) വെബ്സൈറ്റുകളും ഗവർണർ ലോഞ്ച് ചെയ്തു. 35 വർഷക്കാലം സിഒഡിക്ക് പ്രോഗ്രാം കോർഡിനേറ്ററായി സേവനം ചെയ്ത കെസി ജോയിയെ ചടങ്ങിൽ ആദരിച്ചു.

വികാരി ജനറാൾ മോൺ. അബ്രാഹം വയലിൽ, തിരുവമ്പാടി എംഎൽഎ ലിന്റോ ജോസഫ്, കേരള സോഷ്യൽ സർവീസ് ഫോറം ഡയറക്ടർ ഫാ. ജേക്കബ് മാവുങ്കൽ, തിരുവമ്പാടി പഞ്ചായത്ത് പ്രസിഡന്റ് ബിന്ദു ജോൺസൺ, ഫൊറോന വികാരി ഫാ. തോമസ് നാഗപ്പറമ്പിൽ എന്നിവർ ആശംസകൾ അർപ്പിച്ചു. സിഒഡി ഡയറക്ടർ ഫാ. സായി പാറൻകുളങ്ങര സ്വാഗതവും ജോയി കെസി നന്ദിയും രേഖപ്പെടുത്തി.

പരിപാടിയുടെ ഭാഗമായി തിരുവമ്പാടി ടൗണിൽ വർണശബളമായ ഘോഷയാത്രയും നടന്നു

Related Articles

Leave a Reply

Back to top button