Karassery
കാരശ്ശേരിയിൽ ചെങ്കല്ലുമായി വന്ന ലോറി മറിഞ്ഞ് അപകടം; രണ്ട് പേര്ക്ക് പരിക്ക്

കാരശ്ശേരി : കാരശ്ശേരിയിൽ ചെങ്കല്ലുമായി വന്ന ലോറി അപകടത്തില്പ്പെട്ട് രണ്ട് പേര്ക്ക് പരിക്ക്. ലോറി ഡ്രൈവര് പോക്കര്, സഹായിയായ പ്രകാശന് എന്നിവര്ക്കാണ് പരിക്കേറ്റത്. കാലിന് സാരമായി പരിക്കേറ്റ ഇരുവരെയും മുക്കത്തെ സ്വകാര്യ ആശുപത്രിയില് പ്രവേശിപ്പിച്ചു.
ഇന്ന് രാവിലെയാണ് അപകടം നടന്നത്. കാരശ്ശേരി പഞ്ചായത്തിലെ കല്ലേങ്ങല് എന്ന സ്ഥലത്തുള്ള കുന്നിന് മുകളിലെ ക്വാറിയില് നിന്നും ചെങ്കല്ല് കയറ്റി വരികയായിരുന്നു ലോറി.
ചെങ്കുത്തായ ഇറക്കം ഇറങ്ങ് വരുന്നതിനിടെ നിയന്ത്രണം നഷ്ടപ്പെട്ട് മറിയുകയായിരുന്നു. വണ്ടിക്കുള്ളില് കുടുങ്ങിപ്പോയ ഇരുവരെയും ഓടിക്കൂടിയ നാട്ടുകാരും മുക്കം അഗ്നിരക്ഷാസേനയും ചേര്ന്ന് വണ്ടി വെട്ടിപ്പൊളിച്ചാണ് പുറത്തെത്തിച്ചത്. ഡ്രൈവറുടെ പരിചയക്കുറവാണ് അപകടത്തിന് ഇടയാക്കിയതെന്ന് നാട്ടുകാര് പറഞ്ഞു.