മുക്കം : വനിതാ ശിശുവികസന വകുപ്പിന് കീഴിൽ മുക്കം നഗരസഭയിലെ വെസ്റ്റ് മാമ്പറ്റയിൽ ആരംഭിച്ച അങ്കണവാടി കം ക്രഷ് നഗരസഭാചെയർമാൻ പി.ടി. ബാബു ഉദ്ഘാടനംചെയ്തു. നഗരസഭാ ഡെപ്യൂട്ടി ചെയർപേഴ്സൺ കെ.പി. ചാന്ദ്നി അധ്യക്ഷയായി.
പദ്ധതിയിലൂടെ ആറുമാസംമുതൽ ആറുവയസ്സ് വരെയുള്ള കുട്ടികൾക്ക് പകൽസമയത്ത് സംരക്ഷണം നൽകും. ജില്ലാ വനിതാശിശുവികസന ഓഫീസർ സബീന ബീഗം മുഖ്യപ്രഭാഷണംനടത്തി. ഡിവിഷൻ കൗൺസിലർ വസന്തകുമാരി, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഇ. സത്യനാരായണൻ, കൗൺസിലർമാരായ എം.ടി. വേണുഗോപാലൻ, എം.വി. രജനി, വസന്തകുമാരി, ബിന്ദു, ജോഷില, ശിശു വികസനപദ്ധതി ഓഫീസർ കെ. ജയശ്രീ, രാജു മാമ്പറ്റ, ബാലകൃഷ്ണൻ വെണ്ണക്കോട് എന്നിവർ സംസാരിച്ചു.
